Aǵymdaǵy jyldyń 1 toqsanynda ana ólimi 30, sábı ólimi 15 paıyzǵa tómendedi

Bul týraly búgin Úkimet otyrysynda QR Densaýlyq saqtaý mınıstri Salıdat Qaıyrbekova málim etti.

«Tolyqtaı alǵanda qoldanylǵan júıeli sharalar birinshi toqsannyń ózinde ana ólimin 30, sábı ólimin 15 paıyzǵa tómendetýge múmkindik berdi», - dedi ol.

Onyń atap ótýinshe, áıelder men balalarǵa kórsetiletin medıtsınalyq qyzmetterdiń sapasyn arttyrý úshin Dúnıejúzilik densaýlyq saqtaý uıymy usynǵan tıimdi perınataldyq tehnologııalar men baǵdarlamalarmen medıtsına qyzmetkerlerin oqytý maqsatynda óńirlik oqý ortalyqtaryn qurý jumystary qolǵa alynǵan.

«Sonymen qatar mınıstrlik jańa perınataldyq tehnologııalardy engizý, materıaldyq-tehnıkalyq bazany nyǵaıtý, bosanýǵa kómek berýdi uıymdastyrý syndy mindetterdi jalǵastyratyn bolady», - dedi Densaýlyq saqtaý mıınstri.