Aǵymdaǵy jyldyń 1 shildesine deıin memlekettik kirister komıteti qyzmetkerlerine qatysty 149 qylmystyq is qozǵaldy

Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte Qarjy mınıstrligi Memlekettik kirister komıtetiniń tóraǵasy Dáýlet Erǵojın málim etti.

«Aǵymdaǵy jyldyń 1 shildesine deıin memlekettik kirister qyzmetkerlerine qatysty 149 qylmystyq is qozǵaldy. Onyń ishinde 96 qylmystyq is ishki qaýipsizdik qyzmeti tarabynan qozǵalyp otyr. Barlyq qyzmetterde, onyń ishinde salyq, keden jáne ekonomıkalyq tergeý qyzmetine de taldaý júrgizilýde», - dedi ol.

Komıtet basshysynyń atap ótýinshe, munan bólek, jalǵan kásipkerlikpen aınalysatyn nemese olarǵa qol úshin beretin tulǵalardy anyqtaý baǵytyndaǵy jumystar da qolǵa alynǵan.

«Qazirdiń ózinde Qaraǵandy men Pavlodar oblystyq salyq qyzmetiniń qyzmetkerlerine qatysty qylmystyq is qozǵaldy. Olar is júzinde tirkelgen jerinde joq kásiporynnyń ornalasqan ornyn zańsyz qýattaǵan. Qazirgi ýaqytta olarǵa qatysty sáıkesinshe protsessýaldy sheshim qabyldanýda», - dedi D.Erǵojın.