Aǵymdaǵy jyldyń 1-shi toqsanynda kedendik tólemder men salyqtardan respýblıkalyq bıýdjetke 125 mıllıard teńge tústi

Bul týraly búgin elordada ótken baspasóz máslıhaty barysynda QR Qarjy mınıstrliginiń Kedendik baqylaý komıteti Kedendik kirister basqarmasynyń bastyǵy Elena Kanashkına málim etti.

«Bıýdjetke kedendik tólemder men salyqtardyń túsýin qamtamasyz etý boıynsha boljamdy mindetter 103,6 paıyzǵa oryndaldy, ıaǵnı bıýdjetke 125 mlrd. teńge aýdaryldy. Bul ótken jylǵy dál osy kezeńmen salystyrǵanda 12 mıllıard teńgege artyq», dedi ol.

Onyń aıtýyna qaraǵanda, bıýdjetke túsimniń artýy biryńǵaı kedendik tarıftiń engizilýine jáne RF-dan qosymsha qun salyǵy men ımporttyq baj salyǵy boıynsha túsimderdiń ulǵaıýyna baılanysty oryn alǵan. Sonymen aǵymdaǵy jyldyń birinshi toqsanynda ortasha birkúndik tólemder 1,9 mlrd-tan 2,2 mıllıard teńgege deıin artqan.

«Qorytyndysynda respýblıkalyq bıýdjettegi kedendik baj salyǵy men salyqtardyń úlesi 29,4 paıyzdy qurady», dedi E.Kanashkına.