Aǵymdaǵy jyldan mektep túlekteri Qarjy polıtsııasy akademııasyna oqýǵa túsýge úmitker bola almaıdy
ASTANA. QazAqparat - Aǵymdaǵy jyldan mektep túlekteri Qarjy polıtsııasy akademııasyna oqýǵa túsýge úmitker bola almaıdy. Bul týraly Qarjy polıtsııasy akademııasynyń bastyǵy Sarqytbek Moldabaev málim etti.
«Osy jyldan bastap akademııada 2 jyl 6 aı merzimde qysqartylǵan oqý túrine 21 jastan asqan, zań bilimi joq, joǵary bilimi bar Qazaqstan azamattaryn qabyldaý júrgiziledi. Akademııadaǵy kásibı oqý baǵdarlamasy boıynsha qysqartylǵan merzimde bilim alǵan ýaqyt eńbek etý ótiline qosylady», - degen S.Moldabaevtyń sózin akademııa baspasóz qyzmeti taratyp otyr. Onyń atap ótýinshe, qazirgi tańda akademııada eldiń túkpir-túkpirinen kelgen jastar bilim alýda. Oqýǵa QR Ekonomıkalyq qylmysqa jáne sybaılas jemqorlyqqa qarsy kúres agenttiginiń aýmaqtyq organyna qajet mamandar sanyna baılanysty qabyldanady. Sondyqtan, akademııa túlekteriniń jumysqa ornalasýyna baılanysty máselesi joq. Óıtkeni oqýdy bitirgen jas maman ózderiniń aımaqtaryna qyzmetke turady. «Aǵymdaǵy jyly jalpy bilim beretin mektepterdiń túlekteri endi Qarjy polıtsııasy akademııasyna oqýǵa túsýge úmittene almaıdy», - depti ol. Baspasóz qyzmetiniń aqparatyna qaraǵanda, kandıdattardy oqýǵa qabyldaý úsh kezeńmen júzege asyrylady. Birinshi kezeńde kandıdattar medıtsınalyq, psıhofızıologııalyq jáne fızıkalyq kórsetkishteri boıynsha irikteledi. Ekinshi kezeńde QR zańnamasyn bilýge kompıýterlik testileý júrgiziledi. Al úshinshi kezeńde mandattyq komıssııa medıtsınalyq, psıhofızıologııalyq kórsetkishteri boıynsha fızıkalyq daıyndyq pen Qazaqstan Respýblıkasynyń zańnamasyn bilýge baılanysty kompıýterlik testileýdiń nátıjesi boıynsha kandıdattardy qabyldaıdy.
