Aǵymdaǵy jyl sońyna deıin Astanada 2928 páter salynbaq
ASTANA. 17 qazan. QazAqparat - 2012 jyldyń sońyna deıin 2008-2010 jyldarǵa arnalǵan Memlekettik turǵyn úı baǵdarlamasy aıasynda jalpy aýmaǵy 174,1 myń sharshy metr 2928 páter salynyp, paıdalanýǵa berilmek, - dep habarlaıdy qalanyń qurylys basqarmasy.
Elordanyń resmı saıtynyń málimetinshe, atalǵan baǵdarlama boıynsha búginde jalpy aýmaǵy 237,7 myń sharshy metr bolatyn 5257 páterdiń qurylysy aıaqtaldy.
Sondaı-aq, basqarmanyń aqparaty boıynsha, bıylǵy jyly paıdalanylýǵa berilýi tıisti Kóktal eldi mekeniniń ońtústik-shyǵysynda ornalasqan 273 páterli turǵyn úı kesheni qarjy tapshylyǵynan 2013 jylǵa shegerildi.
Eske salaıyq, Astanada 2005-2007 jyldarǵa arnalǵan Memlekettik turǵyn úı baǵdarlamasy aıasynda jalpy kólemi 367,3 myń sharshy metr 4969 páter salynyp, paıdalanýǵa berildi. Bul baǵdarlama josparynyń 100 paıyzǵa oryndalǵanynyń aıǵaǵy.
