Aǵymdaǵy marketıng jylynda Qazaqstan 7,1 mln. tonna astyq eksporttady

Bul týraly búgin QR Aýyl sharýashylyǵy mınıstri Asyljan Mamytbekov aıtty.

Onyń atap ótýinshe, shildeden shilde aıyna deıin eseptelinetin osy marketıng jylynda Qazaqstan 7,1 mln. tonna astyq eksporttady. Al ótken marketıng jylynda bul kórsetkish shamamen 12 mln. tonnany quraǵan bolatyn. «Biz ózimizdiń barynsha básekege qabiletti, Qazaqstanǵa teń keleri joq dástúrli naryqtarymyz Orta Azııa, Kavkaz, Qytaıdyń batys bóligi, sonymen qatar Iran men Aýǵanstan ekendigin túsinýimiz kerek. Dál osy naryqtarǵa biz basa nazar aýdarýymyz qajet. Bul naryqtaǵy tutyný kólemi shamamen 6,65 mln. tonnany quraıdy. Al qalǵanyn biz Qara jáne Baltyz teńizderi arqyly alys shetelderge eksporttaýǵa májbúrmiz. Bul baǵyt shamamen 100 dollar qosymsha shyǵyndy qajet etedi», - dedi mınıstr.

A.Mamytbekovtyń paıymynsha, ol sharýalar úshin tıimsiz. Sondyqtan da aýyl sharýashylyǵy aldynda ósimdik sharýashylyǵyn ártaraptandyrý jáne astyq kólemin ishki qajettilik pen elimizdiń ońtaıly eksport kólemin eskere otyryp qysqartý qajet. «Bul shamamen 7 mln. tonna ishki jáne 7 mln. tonna syrtqy naryqty quraıdy. Sonda ǵana bizdegi baǵa chıkagolyq ne bolmasa parıjdik bırja baǵasy deńgeıinde bolady», - dedi ol.