Aǵymdaǵy qys mezgilinde elimizdiń avtojoldarynda 1 myńnan astam adam qar qursaýynan qutqaryldy

Bul týraly búgin Astanada ótken brıfıngte QR Tótenshe jaǵdaılar mınıstrliginiń resmı ókili Lıýbov Shaposhnıkova málim etti.

 «TJM bólimsheleri 2011 jyly 59 myńnan astam apattyq-qutqarý sharalaryna shyqty. Osy oraıda 7 myńǵa jýyq adam qutqarylyp, 8 myńnan astamy qaýipsiz jerge kóshirildi. Onyń ishinde respýblıkanyń avtojoldaryndaǵy qar qursaýynan  2011 jyldyń qarashasy men 2012 jyldyń 10 qańtary aralyǵynda  jedel túrde 1 065 adam qutqarylyp, 82 dana tehnıka qardan shyǵaryldy» ,-dedi resmı ókil.

Osy oraıda L. Shaposhnıkova el azamattaryn  meteorologtardyń aqparatyn nazardyn tys qaldyrmaýdy, sondaı-aq kóktaıǵaq jáne borandy kúnderi jolǵa shyqpaýdy eskertti.