Aǵymdaǵy ǵalamdyq ınstıtýttar kóppolıarly álemge eseptelmegen -
;ALMATY. Sáýirdiń 14-i. QazAqparat /Erlik Erjanuly/ - Qazaqstan kóppolıarly álemniń jańa tártibin jasaý bastamasyn usyna alady.
Bul týraly búgin Almatyda ótip jatqan táýekel menedjmenti týraly 6-shy halyqaralyq konferentsııada aıtyldy, dep habarlaıdy QazAqparat.
"Kóp polıarly álemge kóshý júzege asty. Biz qazir 1 ne 2 polıarlyq álemnen kóppolıarlyqqa kóshý dáýirinde ómir súrip jatyrmyz. Kóppolıarlyq álemde kóshbasshylar kóp bolady jáne ol daý-damaıdyń salmaqty kózi bop tabylady. Kóppolıarlyq saıası daý-janjaldardy retteýde, halyqaralyq saýda kooperatsııasyn uıymdastyrýda jańa tártipti qajet etedi. Aǵymdaǵy ǵalamdyq ınstıttýtar kóppolıarly álemge eseptelmegen. Olar bir álemge ǵana eseptelgen. Bul alǵashqy kezekte AQSh. Búgingi jaǵdaıǵa qoldanatyn tártip ázirge joq. Ony qazir jasaý kerek", deıdi "Daǵdarystan keıingi álem ınstıtýttary" qorynyń dırektory Ekaterına Shıpova. Onyń aıtýynsha, kóppolıarly álemniń jańa tártibin daǵdarys tolqynynda ósimi, daǵdarysqa qarsy tıimdi saıasaty jáne daý-janjaldardy beıbit sheshýde tájirıbesi barlar jasaıdy. Qazaqstan bul jaǵynan úlgili el bola alady. Oǵan sondaı-aq, Qazaqstan Prezıdentiniń bedeli men úlken tájirıbesin de qosýǵa bolady. Sol sebepti de Qazaqstannyń kóppolıarly álemniń jańa tártibin jasaý bastamasyn usynýǵa múmkindigi mol.
