Aǵymdaǵy aptanyń sońy elordada jaýyn-shashynsyz ótedi
ASTANA. 15 tamyz. QazAqparat - Astanada jumys aptasynyń basynda aýa raıy bulyńǵyr bolsa, aptanyń ortasy jaýyn-shashynsyz bolady.
Bul týraly astana.kz saıtyna «Qazgıdromet» RMK habarlady.
Sınoptıkterdiń boljamynsha, jumys aptasynyń ekinshi jartysynda kóshpeli bult shyǵady, demalys kúnderi jańbyr jaýmaıdy.
«Beısenbi kúni Astana jaýyn-shashynsyz bolady. Soltústikten 5-10 m/s jyldamdyqpen jel soǵady. Aýa temperatýrasy túnde +8+10°C, kúndiz +22+24°C deńgeıinde qalyptaspaq», - delingen «Qazgıdromet» málimetinde.
Juma kúni elordada kóshpeli bult shyǵady, jańbyr jaýmaıdy, túnde tuman bolady. Soltústik-shyǵystan 5-10 m/s jyldamdyqpen jel soǵady. Túnde aýa temperatýrasy +10+12°C, kúndiz +23+25°C-ge deıin jetedi. Senbi kúni de kóshpeli bult qozǵalyp, jaýyn-shashyn bolmaıdy. Soltústik-shyǵystan 9-14 m/s jyldamdyqpen jel soǵady. Túnde aýa temperatýrasy +10+12°C, kúndiz +23+25°C jyly bolady.
