Aǵymdaǵy aptada Úkimet basshysy men vıtse-premerlerdiń qatysýymen 8 vedomstvonyń alqa májilisi ótedi
ASTANA. 28 qańtar. QazAqparat - Aǵymdaǵy aptada Úkimet basshysy men vıtse-premerlerdiń qatysýymen 8 vedomstvonyń alqa májilisi ótedi. Bul týraly búgin Astanada ótken brıfıngte QR Prezıdenti janyndaǵy ortalyq kommýnıkatsııalar qyzmetiniń resmı ókili Altaı Ábıbýllaev málim etti.
«Osy aptada QR Premer-Mınıstri Serik Ahmetovtiń, Úkimet basshysynyń birinshi orynbasary - Óńirlerdi damytý mınıstri Baqytjan Saǵyntaev, sondaı-aq vıtse-premerler Qaırat Kelimbetov pen Erbol Orynbaevtyń qatysýymen 8 mınıstrlik pen agenttikterdiń keńeıtilgen alqa otyrystary ótedi. Atalǵan alqa májilisterinde 2012 jyldyń basty qorytyndylary mejelenbek. Elbasy belgilegen maqsattardyń negizinde alqa otyrystarynyń aıasynda kólik ınfraqurylymyn damytý, áleýmettik saıasattyń jańa baǵdarlary, ana men balany qorǵaý, densaýlyq saqtaý, «Jasyl ekonomıka» júıesi men bilim berýdiń jańa júıelerine qatysty máseleler talqylanady dep josparlanýda»,-dep túıdi A. Ábıbýllaev.
