Aǵylshyn Joǵary soty «WorldWideMinerals» daýy boıynsha Qazaqstan paıdasyna sheshim qabyldady

NUR-SULTAN. QazAqparat - 23 qarashada Anglııanyń Joǵary soty Qazaqstan Respýblıkasyna qarsy «World Wide Minerals» kanadalyq kompanııanyń jáne Pol A. Kerolldyń talaby boıynsha osydan buryn shyǵarylǵan tórelik sheshimniń (sonyń ishinde zalal, paıyzdar jáne somalar boıynsha mánine qatysty) kúshin joıdy, dep habarlaıdy QazAqparat QR Ádilet mınıstrliginiń saıtyna silteme jasap.

Buryn habarlanǵandaı , 2019 jyldyń 29 qazanynda Tórelik trıbýnal talap-aryzdyń jalpy somasynan (1,9 mlrd AQSh dollary) 1%-dan kem mólsherinde Talapkerlerge ótemaqy uıǵarýmen sheshim shyǵardy.

Qazaqstan Respýblıkasy sheshimge shaǵymdaný úshin 2019 jyldyń qarasha aıynda 1996 jylǵy Tórelik Zańnyń 68-babynyń tártibimen tóreliktiń qaralatyn orny boıynsha Anglııanyń Joǵary sotyna ótinish berdi.

Nátıjisinde, Anglııanyń Joǵary soty 2020 jylǵy 23 qarashada qazaqstandyq taraptyń dálelderimen kelise otyryp, t alapkerlerge uıǵarylǵan talap somasy men shyǵyndarǵa qatysty sheshimniń kúshin joıyp, ony tórelik trıbýnalǵa qaıta qaraýǵa jiberdi.

Sondaı-aq, sot «World Wide Minerals Ltd» jáne P. Karroldan QR-nyń paıdasyna 350 000 AQSh dollary kóleminde sot shyǵyndaryn óndirip alý týraly sheshim shyǵardy. Anglııanyń Joǵary soty 1996 jylǵy tórelik Zańnyń 68-babynyń tártibinde shaǵymdaný protsesine baılanysty Qazaqstan Respýblıkasyna beriletin ózge de shyǵyndardyń somasyn qosymsha baǵalaıdy.

Bul Qazaqstan Respýblıkasy óziniń bedelin nyǵaıtý úshin quqyqtyq tetikter qoldaný sheńberinde óziniń múddelerin qorǵaý jónindegi jumystardy jalǵastyratynyn rastaıdy. Osynyń bári ádil sheshimderge qol jetkizý jolyndaǵy túbegeıli qaısarlyqty kórsetedi.

Osy daýda Qazaqstan Respýblıkasynyń múddelerin Ádilet mınıstrligi, «Reed Smith LLP» halyqaralyq zań fırmasy, «Essex Court Chambers» advokattyq palatadan Djo Smoýa koroldik advokaty, London q. «3 Verulam Buildings» advokattyq palatynyń músheleri Krıstofer Harıskoroldik advokaty jáne Pol Vı advokatymen birlese bildiredi.

«Essex Court Chambers» jáne «3 Verulam Buildings» ókilderi birqatar kópmıllıardtyq tórelik talaptar boıynsha Qazaqstan Respýblıkasynyń múddelerin sátti qorǵaǵanyn atap ótý qajet.

Sondaı-aq, «3 Verulam Buildings»-nyń ókili koroldik advokat Álı Malek 2017 jyly «Statı» isi boıynsha Anglııanyń Joǵary sotynda Qazaqstan Respýblıkasynyń múddelerin bildirgen. Onyń nátıjesinde, Statıdiń paıdasyna tórelik sheshim alaıaqtyq jolymen alynǵandyǵy týraly jetkilikti senimdi dálelderdiń (prima facie) bolýy týraly sheshim shyǵaryldy.

Álı Malek «Jyldyń banktik advokaty» dep tanyldy .