Aǵylshyn tilindegi pán oqýshylarǵa tek 10-11 synypta oqytylady - BǴM
NUR-SULTAN. QazAqparat - Mektepte oqýshylarǵa aǵylshyn tilinde pánder tek 10 jáne 11 synypta, balanyń tildik qabileti jetkilikti bolǵan jáne mektep daıyn bolǵan jaǵdaıda, mekteptiń sheshimimen ǵana beriletin bolady. Bul týraly Úkimettiń baspasóz ortalyǵynda Bilim jáne ǵylym mınıstri Kúlásh Shámshıdınova málim etti, dep habarlaıdy QazAqparat tilshisi.
«Úshtildilikke baılanysty: eń birinshi másele - qazaq tilin oqytý máselesi. Ekinshi orys tili, aǵylshyn tili máseleleri. ıAǵnı tilderdi oqytý bul deńgeıge baılanysty tórt daǵdyny damytýǵa baǵyttalady. Olar - tyńdaý, aıtý, sóıleý jáne jazý daǵdylary. Sondyqtan aǵylshyn tilinde balalarǵa pándi berý tek 10 jáne 11 synypta, balanyń tildik qabileti jetkilikti bolǵan jaǵdaıda jáne mektep daıyn bolǵan jaǵdaıda, mekteptiń sheshimimen ǵana júretin bolady. Qazirgi tańda 153 mektepte uıymdastyrylǵan aǵylshyn tilinde oqytýǵa biz monıtorıng ótkizip otyrmyz. Osy monıtorıngtiń nátıjesinde damytýǵa bolatyn suraqtar jáne osy nárseni damytýǵa kedergi keltiretin máseleler anyqtalyp, bolashaqta mektepterge kómek retinde beriletin bolady», - deıdi mınıstr.
Eske sala ketsek, Kúlásh Shámshıdınova mektepte tórt pándi aǵylshyn tilinde oqytý máselesin buǵan deıin de túsindirgen bolatyn.
«Búginde barlyq adamdardy oılandyryp júrgen mańyzdy bir másele ol - xımııa, fızıka, ınformatıka men bıologııa pánderin joǵary synypty aǵylshyn tilinde oqytý. Osyǵan baılanysty qazir aǵylshynsha sabaq berýge asyqpaı kóshý týraly sheshim qabyldanyp otyr. Respýblıka boıynsha 150-den artyq mektep ol baǵdarlamaǵa kóshken. Biz qazir bulardy zerdelep, qarap otyrmyz. Oqýshylar neden qınalyp otyr? Ustazdar qandaı qıyndyq kórip jatyr? Biz olarǵa qalaı kómektesemiz? Sony jan-jaqty zerdelep jatyrmyz. Sondyqtan ustaz ben mektep daıyn bolǵan kezde, ózderińizben kelise otyryp, birtindep aǵylshyn tilinde oqytýdy engize bastaımyz. Asyqpaımyz, eshkim qýyp kele jatqan joq», - degen edi K.Shámshıdınova búgin Astanadaǵy kópbalaly analarmen bolǵan kezdesýde.
