Aǵylshyn tilin jetik meńgerýdiń UBT-da qandaı kómegi bar
«Eger talapkerdiń túskeli jatqan mamandyǵy nemese tańdaý páni aǵylshyn tili bolyp, ol tildi jetik meńgergen jaǵdaıda UBT-daǵy aǵylshyn tilinen tapsyrýdan bosatylady. Biraq, onyń sol tildi tereń meńgergendigin dáleldeıtin IELTS, TOEFL sekildi halyqaralyq sertıfıkaty bolýy qajet. Jáne sertıfıkattyń merzimi jaramdy bolýy tıis», - dedi QR Bilim jáne ǵylym vıtse-mınıstri Ashat Aımaǵambetov OKQ-de ótken baspasóz máslıhatynda.
Vıtse-mınıstr atalǵan jańashyldyq JOO-daǵy magıstratýraǵa túsý tájirıbesinde biraz jyldan beri qoldanylyp kele jatqanyn da aıtyp ótti.
Sonymen qatar, Bilim mınıstriniń orynbasary jýrnalısterdiń «aǵylshyn tilin jetik meńgergendigin dáleldeıtin IELTS, TOEFL sertıfıkattaryn jasatyp almasyna kim kepil, ol jaǵy qalaı sheshiledi» degen suraqtaryna jaýap berdi.
«Iá, shynynda da oılantarlyq másele. Degenmen bizdiń mıınstrlik atalǵan problemanyń aldyn alyp, tıisti sharalardy qabyldaýdamyz. ıAǵnı emtıhan qujattaryn qabyldaıtyn komıssııa shetel tilin meńgergendigi týraly sertıfıkattaryn qabyldaý kezinde tekserip alýy qajet. Ol úshin bizde arnaıy baza bar, ol bazaǵa talapkerdiń aty-jóni men sertıfıkatynyń nómirin engizse onyń qanshalyqty rastyǵy týraly barlyq derekter shyǵady. Sondyqtan bul jerde problema joq», - dedi ol.
Eske salsaq, ústimizdegi jyldyń kókteminde Astana medıtsınalyq ýnıversıtetinde stýdentterdiń aryz-shaǵymynan keıin aǵylshyn tiline arnalǵan júzdegen IELTS jalǵan sertıfıkaty anyqtalǵan bolatyn. Keıin atalǵan jaǵdaı boıynsha Densaýlyq saqtaý mınıstri E.Birtanov túsinik berip, sertıfıkaty jalǵan dep tanylǵan stýdentterdiń memlekettik granttarynan aıyrylyp, oqýdan shyǵarylǵanyn málim etti.
Aıta keteıik, buǵan deıin 2019 jyly UBT tapsyrýda birqatar ózgerister engizilgenin habarlaǵan bolatynbyz.
