Aǵylshyn tilin oqýǵa nıetti muǵalimderdiń tizimi jospardan asyp tústi
ASTANA. QazAqparat - 12 myń muǵalim aǵylshyn tilin tereńdetip oqıtyn bolady. Bul týraly esepti kezdesýde QR Bilim jáne ǵylym mınıstri Erlan Saǵadıev málim etti, dep habarlaıdy QazAqparat.
«Aǵylshyn tiline toqtalatyn bolsaq, 10-11 synyptarda 4 pánnen sabaq beretin jalpy 16,5 myń muǵalim kerek. Bıyl 5 myń muǵalim tereńdetilgen daıyndyqtan ótedi dep josparladyq. Atap aıtqanda, daıyndyqtyń túrli deńgeıleri bar, olardyń ishinde eńbekaqasyn saqtap, issapar shyǵyndaryn tóleı otyryp eń uzaq 9 aılyq daıyndyq qamtylǵan. Alaıda 5 myńnyń ornyna bizge 12 myńy jazyldy»,-dedi mınıstr.
Ol osy oraıda pedagogtardy oqytýǵa qosymsha qarjy bólingenin atap ótti.
«Aldaǵy jyly da osy baǵytta 12 myń muǵalimdi oqytýdy josparlap otyrmyz. Sonymen qatar 2017-2018 jyldary aǵylshyn tilinde sabaq júrgizýge qabiletti 5 myńǵa jýyq magıstrdi, bakalavrdy, kolledj túlekterin daıarlaımyz»,-dep naqtylady Saǵadıev.
