Aǵylshyn tilin durys oqytpaǵan Almatylyq kolledjdiń lıtsenzııasy toqtatyldy
ALMATY. QazAqparat - Almatyda aǵylshyn tilin tıisti deńgeıde oqytpaǵan kolledjdiń lıtsenzııasy ýaqytsha toqtatyldy. Bul týraly búgin qalalyq Bilim salasyndaǵy baqylaý departamentiniń ókilderi Óńirlik kommýnıkatsııalar qyzmetinde aıtty, dep habarlaıdy QazAqparat tilshisi.
Departament basshysy Gúlnar Ermekbaevanyń aıtýynsha, departament quzyryna oqytý mekemeleriniń bilim berý qyzmeti sapasyn tekserý kiredi. Onyń ishinde jospardan tys tekserý jeke tulǵalardyń shaǵymyna qatysty júredi.
"Byltyr jospardan tys tekserý barysynda 11 ákimshilik is qozǵaldy. Osy ákimshilik ister boıynsha 306 315 teńge kóleminde aıyppul salyndy. Tekserý nátıjesinde Ortalyq Azııalyq ýnıversıtet janyndaǵy Áleýmettik-gýmanıtarlyq kolledjdiń lıtsenzııasy 2 aıǵa toqtatyldy. Bul kolledjde aǵylshyn tili durys oqytylmaǵan. ıAǵnı muǵalimniń biliktiligi saı emes. Onda fızıka muǵalimi ınformatıka páninen bergen, bul biliktilik sáıkessizdigine jatady", - dedi Gúlnar Ermekbaeva.
Onyń aıtýynsha, departament jumystarynyń basym baǵyttary - bilim berýdiń qyzmet sapasyn arttyrý, lıtsenzııalaý máseleleri, mekteptiń bilim berý saıasatyn baqylaý, lıtsenzııalaý, apostıldeý, memlekettik attestattaýdy júrgizý.
Onyń ishinde jeke tulǵalar kóbine qorytyndy baǵalardy tómendetip qoıý, materıaldyq-tehnıkalyq bazanyń jutańdyǵy, oqytýshylyq bazanyń álsizdigi boıynsha aryzdanady.
