Aǵylshyn tili UBT-nyń mindetti pánderine qosylýy múmkin - QR BǴM

ASTANA. QazAqparat - QR Bilim jáne ǵylym mınıstrligi Ulttyq biryńǵaı testileýdi reforlamalaý boıynsha jumystardy bastaýdy josparlap otyr. Bul týraly búgin Ortalyq kommýnıkatsııalar qyzmetinde ótken baspasóz máslıhatynda QR BǴM vıtse-mınıstri Taqır Balyqbaev málim etti.

«Biz qazir aǵylshyn tilin engizýdi mejelep otyrmyz, kórshi Reseıde 2021 jyldan bastap aǵylshyn tilinen mindetti túrde emhtıhan tapsyrylatyn pánderge qospaqshy. Sondyqtan bizde mindetti túrde tapsyrylýy tıis pánderdiń qataryna aǵylshyn tilin de qosýymyz ábden múmkin. Osy oraıda, biz Ulttyq biryńǵaı testileýdi reformalaý boıynsha jumystardy bastamaqpyz. Onyń nusqasy qandaı bolady, qalaı iske asyrylady, ony túbegeıli anyqtaǵannan keıin halyqqa egjeı-tegjeıli aıtatyn bolamyz», - dep atap ótti vıtse-mınıstr.

Onyń aıtýynsha, UBT suraqtarynyń baǵyty men mazmuny da birshama ózgeredi.

«Munda birneshe baǵyttar bar, birinshiden, biz faktilerden logıkalyq suraqtarǵa kóp basymdyq beretin shyǵarmyz. Demek, túlekterdiń oılaý qabiletin baǵalaýǵa bolady. Oǵan bizdiń engizip jatqan arnaıy tapsyrmalar bar», - dedi Taqır Balyqbaev.