Aǵylshyn sarapshysy Djonatan Eıtken: Qazaqstan - Ortalyq Azııa elderi arasynda birden bir senimdi oıynshy
DON. Qazannyń 26-sy. QazAqparat /Bela Qudaıbergenova/ - Qazaqstan - Eýropadaǵy strategııalyq saıası jáne kommertsııalyq sheshimder qabyldaýǵa aıtarlyqtaı yqpal etýge qabiletti Ortalyq Azııa elderi arasyndaǵy birden bir senimdi oıynshy.
Bul jóninde aǵylshyn sarapshysy Djonatan Eıtken málimdedi.
Djonatan Eıtken - Ulybrıtanııa Mınıstrler Kabınetiniń jáne Parlamentiniń burynǵy múshesi, 12 kitaptyń avtory, olardyń ishinde amerıkandyq prezıdent Nıksonnyń jáne QR Memleket basshysy Nursultan Nazarbaevtyń ómirbaıandary bar.
Sarapshynyń aıtýynsha, Qazaqstan Respýblıkasynyń aldaǵy ýaqytta EQYU-ǵa tóraǵalyq etýi Qazaqstannyń jańa tarıhynyń tyń betteri bastalatyn ózindik shekara bolmaqshy.
«Mártebeli halyqaralyq uıymǵa tóraǵalyq etý el úshin ózindik jahandyq emtıhan bolmaqshy jáne óte aýqymdy jumystardy talap etedi», - dep málimdedi Djonatan Eıtken.
