Aǵylshyn patshaıymynyń ardagerge tartý etken syılyǵy Oraldaǵy murajaıǵa qoıyldy
ASTANA. QazAqparat - 9 mamyr merekesine oraı arnaıy uıymdastyrylǵan «Qart Oral» murajaıyndaǵy kórme maýsymnyń aıaǵyna deıin sozylady, dep habarlady «Ýralskaıa nedelıa».
Murajaı qyzmetkerleri kórmege sırek kezdesetin jádigerlikterdi qoıdy, olardyń arasynda eski gazetter, muraǵat qujattary, tipti bizdiń ardagerge Anglııa patshaıymy syılaǵan gımnasterka da bar.
«9 mamyrǵa oraı biz Uly Otan soǵysyna arnalǵan arnaıy kórme ashtyq. Kórmege kelgen Stalıngrad shaıqasyna qatysýshynyń týystary marapattaý qaǵazyn ákeldi», - dep jádigerlikti kórsetti «Qart Oral» murajaıynyń dırektory Gennadıı Mýhın.
Sondaı-aq Gennadıı Leonıdovıch Amerıka 1942 jyly Qyzyl Armııaǵa kómekke bergen 75 myń telefon bergenin aıtty, murajaıǵa qoıylǵan solardyń biri qazirdiń ózinde jumys istep turǵan kórinedi.
«Soǵys kezinde halyq tarelka dep atap ketken radıo ár úıde boldy. Osy radıodan halyq soǵystyń bastalǵanyn estidi», - deıdi murajaı dırektory.
Baılanys quraldarynan basqa murajaıda PPSh avtomattary, sarbaz kaskasy, granatalar, qujattar, pogondar, orden-medaldar jáne basqa da maıdannan ákelingen zattar bar. Oraldyq maıdanger jýrnalıst Nıkolaı Grıgorevıch Chesnokov gımnasterkany murajaıǵa bergen. «Ol soǵystan keıin de Armııada qyzmet etken, sol kezde Anglııa patshaıymy birqatar ofıtserlerge gımnasterka syılapty. Olar qymbat materıaldan tigilgen. Maıdanger ony osy kezge deıin saqtap, bizge berdi», - deıdi Gennadıı Mýhın.
«Bizdegi jınalǵan eksponattardyń bárin de 11 jyl ishinde Oral qalasynyń turǵyndary tartý etti», - deıdi Mýhın.
