Aǵylshyn mamany Pol Eshýort «Astana» fýtbol klýbynan ketti
NUR-SULTAN. QazAqparat – Aǵylshyn mamany Pol Eshýort «Astana» klýbynan ketti, dep habarlaıdy QazAqparat tilshisi.
«Astana» fýtbol klýby málim etkendeı, taraptar kelisimine sáıkes P.Eshýortpen eńbek shartyn qysqartý týraly sheshim qabyldandy.
Pol Eshýort elordalyq klýbta 2019 jyldan beri atqarýshy dırektor qyzmetin, sońǵy aıda bas bapker mindetin qosa atqardy. Osy merzimde «Astana» eki márte Qazaqstan sýperkýbogyn utyp aldy. El chempıony atanyp, Eýropa lıgasynyń toptyq kezeńinde óner kórsetti. Onda aǵylshyndyq «Manchester ıÝnaıted» komandasyn jeńdi.
«Astana» fýtbol klýby P.Eshýorttyń qyzmetine rızashylyq bildirdi.
Qazirgi kezde jańa bas bapkerdi izdeý jumystary júrgizilýde.
Elordalyq komandanyń bıylǵy qarqyny kóńil kónshitpeı tur. Qazaqstan birinshiliginiń jeńimpazy Chempıondar men Eýropa lıgasynan erte shyǵyp qaldy.
El chempıonatynda da Almatynyń «Qaıratynan» segiz upaıǵa keıin qalyp otyr.
Eske sala keteıik, budan buryn «Qaırattyń» «Astanadan» 8 upaıǵa uzap ketkenin jazǵan bolatynbyz.
