Aǵylshyn ǵalymdarynyń balalarǵa arnalǵan koronavırýs týraly kitaby qazaqsha shyqty

ALMATY. QazAuparat – Qazaqstandyq Steppe and World baspasy aǵylshyn ǵalymdary men nemis ıllıýstratory Aksel Shefflerdiń balalarǵa arnap daıyndaǵan koronavırýs týraly kitabyn qazaq tiline aýdardy, dep habarlaıdy QazAqparat tilshisi.

Baspanyń málimetinshe, kitapta koronavırýs degen ne, odan qalaı qorǵaný kerek, úıden shyqpaı otyrǵan nelikten mańyzdy ekeni balalarǵa túsinikti, jeńil tilde baıandalady. Balalar úıde otyrǵanda jabyǵyp, muńaıyp qalmaýy úshin kóńil kóteretin oınaqy tilde jazylǵan.

Aıta ketý kerek, kitapty daıyndaýǵa qatysqan mamandar jumysyna aqy alǵan joq. Steppe and World baspasy da tegin aýdaryp, tegin taratyp otyr.

Aǵylshyn tilinen aýdarǵan – Nazgúl Qojabek, qazaqsha nusqasyn qurastyrǵan – Raısa Saıran Qadyr. Kitapty myna silteme arqyly júktep alyp, oqýǵa bolady.

Eńbekti álem balalarynyń súıikti keıipkerine aınalǵan Grýffalony salǵan Aksel Sheffler jáne Anglııanyń juqpaly aýrý kafedrasynyń mamandary Nosy Crow baspasynda ázirlep shyǵardy.