Aǵylshyn fermasynda shoshqanyń 125 jyldyq eki san eti tabyldy
ASTANA. 18 qarasha. QazAqparat - El ortalyǵyndaǵy Derbıshır aǵylshyn graftiginiń fermalarynyń birinde 1885 jyly daıyndalyp qoıylǵan shoshqanyń eki san eti tabyldy, dep habarlaıdy Small World jańalyq portalyna silteme jasaǵan Lenta.rý. Ýaqyt ótken soń et jumsaryp ketse de, san etterdiń qurylymy saqtalyp qalypty.
125 jyldyq tabylǵan etterdi baǵalaý úshin arnaıy shyqyrylǵan aýktsıonshy Charlz Henson qarap shyqty. Jańalyq portalynyń habarlaýynsha, et paıdalanýǵa jaramasa da, ol aýktsıonnan 300 fýntqa ótýi múmkin (350 eýro).
Osy eki eski etten basqa Derbıshırdegi fermadan 1970 jyly shyǵarylǵan Rolls Royce avtomobıli men shamamen 70 jyl buryn satyp alynǵan shokoladty konfetter qoraby tabyldy. Táttiler shamamen 30 fýntqa baǵalanyp otyr.
San etter, konfetter men kólik satylatyn aýktsıon 25 qarashada Derbıdegi Mackworth Hotel qonaq úıinde ótkizilmek.
