Aǵylshyn azamatynyń 46 myń rýblin úptep ketti
ASTANA. QazAqparat - Máskeý ortalyǵynda Armenııadan kelgen kelimsek Ulybrıtanııa azamatynyń 46 myń rýblin urlap ketti.
Bul týraly polıtsııanyń málimetine súıengen «Interfaks» habarlady. Atalǵan oqıǵa senbige qaraǵan túni, 22 naýryzda tańǵy bester shamasynda bolǵan. Shabýyl jasaǵandar «Marıott» qonaq úıinde turyp jatqan brıtanııalyqtyń iPhone 5, bank kartalaryn, 80 fýnt sterlıng jáne 4 myń rýblin urlap, izderin jasyrǵan.
Shabýyl jasaǵandardyń úsheýi de shamamen jarty saǵattan keıin metronyń mańynan ustaldy.
