Aǵylshyn aýlasynan rımdik vıllanyń ornyn tapty
ASTANA. QazAqparat - Anglııanyń ońtústiginde aǵylshyn óz úıiniń aýlasynan 175-220 jyldar aralyǵynda salynǵan rımdik vıllanyń ornyn tapty. Bul týraly «Nıý Iork taıms» gazeti jazady.
Ýıltshır graftyǵyndaǵy Tısberı kentine jaqyn jerde turatyn kilem dızaıneri Lıýk Irvın 2015 jyly aqpan aıynda óz úıiniń aýlasynda toq symyn júrgizý kezinde mozaıka edendi tapty. Qurastyrma eden qyzyl, aqy jáne kók taqtashalardan qurastyrylǵan ári 45 sm tereńdikte jatqan. Sol jerge jaqyn Solsberı qalalyq murajaıynyń jáne «Tarıhı Anglııa» uıymynyń mamandary qazba jumystaryn bastady. Olar mozaıkanyń úlken rımdik vıllanyń bir bóligi ekendigin anyqtady. Bul Anglııada tabylǵan eń iri osyndaı qonys. Ǵalymdar vıllanyń birinshi qabatynda ǵana 20 - 25 bólme bar dep sanaıdy.
Qazba jumystary kezinde arheologtar kóne tıyndardy, áshekeılerdi, qysh ydystardy, qudyqty jáne jylytý qubyrlaryn tapty. «Tarıhı Anglııa» uıymynyń arheologi Devıd Robertstiń aıtýynsha, tabylǵan jádigerlerge qaraı otyryp vıllanyń sán-saltanatpen ómir súrgen aqsúıekterge tıesili ekendigin paıymdaýǵa bolady.
Ǵalymdar XIX ǵasyrda tabylǵan rımdik vıllamen salystyryp shyqty.
