Aǵylshyn arheologtary temeki tútikteri fabrıkasyn tapty
ASTANA. QazAqparat - Aǵylshyn arheologtary komandasy Bat qalasyndaǵy Eıvon ózeninde balshyqtan temeki tútikterin jasaıtyn kóne fabrıkany tapty.
Mundaı ǵımarattyń búlinbeı tabylýy óte sırek kezdesetin jaǵdaı, dep habarlaıdy epochtimes.ru.
Ony oıynhana qurylysy ornyn tazalaý barysynda tapqan. Jartylaı qıraǵan mektep oıyn alańynyń astynda birneshe jer asty ǵımarattary bar ekeni baıqalǵan. Sol jerdi ashqan kezde qaraýsyz qalǵan balshyqtan temeki tútigin óndiretin fabrıka bar ekeni anyqtaldy.
Zerteýshiler fabrıka qazirgi temeki paıda bolǵanǵa deıin 1780-1860 jyldary jumys istegen dep boljaýda.
Sol kezde balshyqtan jasalǵan tútikshe sánge aınalǵan bolatyn.
