Aǵylshyn arheologtary ShQO-daǵy qorǵandardy zertteýge keldi

ÓSKEMEN. QazAqparat - Shyǵys Qazaqstan oblysynyń Besqaraǵaı aýdanyna, kóne dáýir qupııalaryn ashý maqsatymen, Ulybrıtanııadan arheolog ǵalymdar jumys saparymen keldi, dep habarlaıdy QazAqparat altaynews.kz-ke silteme jasap. 

Ulybrıtanııalyq ǵalymdar men stýdentter Jetijar aýyldyq okrýgy aýmaǵynda ornalasqan ejelgi qorǵandarda zertteý jumystaryn júrgizbek.

Besqaraǵaı aýdandyq ishki saıasat, mádenıet jáne tilderdi damytý bóliminiń basshysy Ásemgúl Qaltaevanyń aıtýynsha, anglııalyq arheologtarmen qatar Pavlodar oblysynan da ǵalymdar kelgen. «Qonaqtardyń arasynda burynnan ejelgi obalardy zertteýmen aınalysyp júrgen Pavlodar memlekettik ýnıversıtetiniń ókilderi de bar», - deıdi ol.