Agrotehnıkany jeńildikpen nesıeleý saladaǵy máseleni sheshe me – derekti fılmnen kórińiz

NUR-SULTAN. QazAqparat – Aýyl sharýashylyǵyna qajetti tehnıka máselesin qalaı sheshýge bolady? Bul týraly «Jańa tehnıka – jańa múmkindik» derekti fılminde aıtylady, dep habarlaıdy QazAqparat «QR Prezıdentiniń Teleradıokesheni» KEAQ-qa silteme jasap.

Elimizde aýyl sharýashylyǵyna jańa tehnıkany lızıng arqyly jeńildikpen beretin baǵdarlama bastaldy. Jyldyq mólsherlemesi – 6%, bastapqy jarnasyz. Degenmen, bul baǵdarlama problemany túgeldeı sheshpesi anyq.

Resmı esepte turǵan 148 myń traktor men 38 myń kombaınnyń jartysynan kóbi eskirgen. Bıyl tehnıka quny taǵy da kóterildi. Aýyl sharýashylyǵyna aýadaı qajet máseleni sheshýdiń joly qandaı? Bul túıitkil «Jańa tehnıka – jańa múmkindik» derekti fılminde kóterilgen.

Derekti fılmdi «QR Prezıdentiniń Teleradıokesheni» KEAQ YouTube-kanalynan, «Almaty» telearnasynan (30 tamyz, saǵat 11:45-te), sondaı-aq «KTK» (3 qyrkúıek, saǵat 09:10-da), «Eýrazııa» arnalarynan (10 qyrkúıek, saǵat 07:00-de) kórýge bolady.

Kadr ız vıleo/ ptrk.kz