Agrotehnıkalyq ýnıversıtette jańa mamandyq ashyldy
ASTANA. 20 tamyz. QazAqparat - Búgin Sáken Seıfýllın atyndaǵy Agrotehnıkalyq ýnıversıtette Eýropalyq odaqtyń «Tempýs» jobasy aıasynda ashylǵan «Energetıkalyq menedjment» mamandyǵynyń tanystyrylymy boldy.
Qazaqstan men Túrkmenstannyń joǵary oqý oryndarynda dárishanalyq jáne on-laın rejıminde oqytýdy kózdeıtin jańa mamandyq Germanııa, Avstrııa jáne Lıtva sarapshylarynyń qatysýymen ázirlendi. Qazirgi kezde «Energetıkalyq menedjdment» mamandyǵynyń oqý jospary bekitilip, elektrondy oqytý júıesiniń tujyrymdamasy anyqtaldy. Aǵymdaǵy jyly qyrkúıekte alǵashqy shákirtter oqýǵa qabyldanady. «Bıyl 27 talapker óz oqýlaryn bastaıdy. Josparǵa sáıkes, olarǵa eki júıe negizinde bilim beriledi. Sabaqtardyń 50 paıyzy dárishanada ótse, 50 paıyzy on-laın rejıminde uıymdastyrylady. Bizdiń shákirtter Qazaqstannyń irgeli energetıkalyq kompanııalarynda tájirıbe jınaqtaıtyn bolady», - deıdi agrotehnıkalyq ýnıversıtettiń energetıkalyq fakýltetiniń dekany Murat Shúkirálıev.
