Agrosýbsıdııany maqsatqa saı paıdalaný tetigine baqylaý kúsheıedi — Joǵary aýdıtorlyq palata
ASTANA. KAZINFORM — Qazaqstanda agrosýbsıdııa alýshylarǵa qarsy mindettemeler zańnamalyq deńgeıde bekitildi. Bul Joǵary aýdıtorlyq palatanyń usynymy boıynsha iske asyryldy.
Ótken jyldyń jeltoqsan aıynda Joǵary aýdıtorlyq palata aýyl sharýashylyǵyn sýbsıdııalaýǵa bólingen bıýdjet qarajatynyń paıdalanylý tıimdiligine júrgizilgen aýdıtti aıaqtady. Aýdıt qorytyndysy boıynsha Úkimetke zańnamaǵa ózgerister engizip, sýbsıdııa alýshylardyń «qarsy mindettemesi» uǵymyn resmı túrde bekitý usynyldy.
— Bul — olardyń jaýapkershiligi men agrosektordaǵy memlekettik qoldaýdyń ashyqtyǵyn arttyrýdaǵy mańyzdy qadam. Nátıjesinde 2025 jylǵy 12 maýsymdaǵy «QR keıbir zańnamalyq aktilerine akvasharýashylyq, agroónerkásiptik keshen, elektr energetıkasy jáne jekelegen ortalyq memlekettik organdardyń fýnktsııalaryn qaıta bólý máseleleri boıynsha ózgerister men tolyqtyrýlar engizý týraly» QR Zańymen qajetti túzetýler qabyldandy. Endi fermerler men aýylsharýashylyǵy kompanııalary olarǵa salynǵan memleket qarajatynyń tıimdiligin dáleldeýge mindetti bolady, — delingen habarlamada.
Mysaly, óndiristi ulǵaıtý, jumys oryndaryn qurý nemese ónimdilikti arttyrý arqyly. Nátıjesinde bul sýbsıdııalardyń maqsatqa saı paıdalanylýyn baqylaýdy kúsheıtýge jáne olardyń tıimdiligin arttyrýǵa kómektesedi.
Joǵary aýdıtorlyq palatanyń memlekettik aýdıt qorytyndylary boıynsha berilgen basqa da tapsyrmalary men usynymdaryn oryndaý boıynsha jumys jalǵasady.
Eske sala keteıik, buǵan deıin Joǵary aýdıtorlyq palatanyń tapsyrmasy boıynsha memlekettik baǵaly qaǵazdardyń shyǵarylýyn retteýdi jetildirýdiń jańa sharalary qabyldanǵan bolatyn. Olar memleket resýrstaryn paıdalaný tıimdiligin arttyrýǵa jáne memleket boryshyn baqylaýdy kúsheıtýge baǵyttalǵan.