«AgroSkills-2025»: Respýblıkalyq baıqaýda agrarlyq saladaǵy úzdik stýdentter anyqtalady
ASTANA. KAZINFORM — Qostanaı oblysynyń Áýlıekól aýylynda tehnıkalyq jáne kásiptik bilim berý uıymdarynyń stýdentteri arasynda kásibı sheberlik boıynsha respýblıkalyq «AgroSkills-2025» baıqaýy bastaldy, dep habarlaıdy QR Oqý-aǵartý mınıstrligi.
Baıqaý Jumysshy mamandyqtar jyly aıasynda uıymdastyrylǵan. Іs-sharaǵa elimizdiń barlyq óńirinen iriktelgen úzdik stýdentter qatysyp jatyr.
Qatysýshylar «Aýyl sharýashylyǵyn mehanıkalandyrý» quzyrettiligi boıynsha óz sheberlikterin kórsetip bastady. Atap aıtqanda, aýyl sharýashylyǵy tehnıkasyn basqarý, jabdyqtardy dıagnostıkadan ótkizý jáne jóndeý, zamanaýı tsıfrlyq tehnologııalardy qoldaný sııaqty óndiristik jaǵdaıǵa jaqyn tapsyrmalardy oryndady.
Eki kún ishinde stýdentter bilimi men daǵdylaryn kórsetip ǵana qoımaı, tájirıbe almasyp, jańa kásibı mashyqtarǵa ıe bolady. 30 qyrkúıek kúni jeńimpazdar anyqtalyp, úzdik qatysýshylar marapattalady.
Buǵan deıin respýblıkadaǵy kolledjderdiń úzdik stýdentteri anyqtalǵan edi.