Agrosalaǵa sýbsıdııa bólýge qatysty jemqorlyq: QR AShM málimdeme jasady
«Qazirgi ýaqytta Memleket basshysynyń tapsyrmasyna sáıkes, QR Aýyl sharýashylyǵy mınıstrligi sýbsıdııalaý tetikterin jetildirý boıynsha jumys júrgizýde.
QR Sybaılas jemqorlyqqa qarsy is-qımyl agenttigimen jáne aýyl sharýashylyǵy taýaryn óndirýshilerimen birlesip, anyqtalǵan problemalardy júıeli túrde qaraıtyn jáne sheshý joldaryn ázirleıtin arnaıy jumys toby quryldy.
2021 jylǵy 9 tamyz ben 20 qyrkúıek aralyǵynda sybaılas jemqorlyq táýekelderine syrtqy taldaý júrgizildi. Tekserý merzimi eki ret 30 qyrkúıekke deıin jáne 15 qazanǵa deıin uzartyldy.
Tekserý júrgizý kezinde salany sýbsıdııalaý boıynsha qoldanystaǵy normatıvtik quqyqtyq aktilerge taldaý jasaldy, oryn alǵan olqylyqtar men kemshilikterdi joıý boıynsha naqty usynystar ázirlendi», - delingen mınıstrlik málimetinde.
Vedomstvo habarlamasyna súıensek, aýyl sharýashylyǵyn sýbsıdııalaýdyń jańa tásilderi ázirlengen.
«Olar sýbsıdııalaý baǵyttaryn ońtaılandyrýdy jáne olardyń tetikterin jeńildetýdi kózdeıdi. Budan basqa, sharýashylyq júrgizýdiń mólsheri men nysandaryna qaramastan, barlyq sýbektiler úshin memlekettik qoldaý sharalarynyń teń qoljetimdiligi qamtamasyz etiletin bolady. Budan bólek, sýbsıdııa alýshylardyń naqty ındıkatıvtik kórsetkishtermen túpkilikti nátıjelerge qol jetkizý boıynsha qarsy mindettemeler alýy arqyly olardyń jaýapkershiligin arttyratyn normalar engiziletin bolady.
Sonymen qatar, asyl tuqymdy mal sharýashylyǵynyń zańnamalyq bazasyn odan ári jetildirý, oǵan sybaılas jemqorlyq quqyq buzýshylyqtaryn boldyrmaıtyn qajetti ózgerister men tolyqtyrýlar engizý arqyly jumys júrgizilýde. Tıisti zań jobasy qazir QR Parlamenti Májilisinde qarastyrylýda.
Adamı faktordyń bul protsesterge áserin boldyrmaý maqsatynda janýarlardy esepke alý jáne janýarlar týraly aqparatty AShJB (aýyl sharýashylyǵy janýarlaryn birdeılendirý) derekqoryna berý protsesterin avtomattandyrý boıynsha veterınarııa salasynyń qyzmetin tsıfrlyq formatqa kóshirý josparlanýda «, - delingen QR AShM málimdemesinde.
Atap ótilgendeı, jalpy, sýbsıdııalaý tetikterin jetildirý boıynsha usynylatyn sharalar barlyq múddeli memlekettik organdarmen jáne uıymdarmen, aýyl sharýashylyǵy taýarlaryn óndirýshilermen talqylanatyn bolady jáne sybaılas jemqorlyqqa qarsy qatań saraptamadan ótedi.
Eske salaıyq, 4 qarasha kúni jumys saparymen Pavlodar oblysynyń Ekibastuz qalasyna barǵan Prezıdent Qasym-Jomart Toqaev monoqalalardy damytýǵa qatysty keńes ótkizdi.
Onda jemqorlyqqa qarsy qyzmetke aýyl sharýashylyǵy salasyna sýbsıdııa bólý máselesine saraptama júrgizýdi tapsyrǵan bolatyn.
«Aýyl sharýashylyǵyn sýbsıdııalaý jaıynda. Sońǵy 5 jylda bul maqsatqa 2 trln teńgeden astam qarajat bólindi. Nátıjesinde ne boldy? Bıýdjet qarajaty jumsalady, onyń jumsalýyna biryńǵaı baqylaý joq. Aıtarlyqtaı ekonomıkalyq tıimdiligi de joq», - dedi Qasym-Jomart Toqaev.
«Sybaılas jemqorlyqqa qarsy qyzmetke prokýratýramen jáne basqa da organdarmen birge bul salaǵa keshendi saraptama jasaýdy tapsyrdym. Oǵan qoǵamdy jáne agrarıılerdiń ózderin de tartý kerek», - dedi Memleket basshysy.
Sondaı-aq buǵan deıin QR Sybaılas jemqorlyqqa qarsy is-qımyl agenttiginiń arnaıy aýqymdy operatsııasy nátıjesinde QR Aýyl sharýashylyǵy mınıstrligine baǵynysty bólimsheler men uıymdardyń jáne Nur-Sultan, Shymkent qalalarynyń jáne Aqmola, Túrkistan, Jambyl oblystary, Shyǵys Qazaqstan, batys Qazaqstan, Atyraý, Aqtóbe oblystarynyń ákimdikteriniń laýazymdy tulǵalarynan turatyn qylmystyq toptar áshkerelengeni habarlanǵan bolatyn.
«Olar sýbsıdııalaýǵa bólingen qarajatty jymqyrýmen aınalysqan, kásipkerlerden júıeli túrde para men zańsyz syıaqy alýdyń jemqorlyq shemasyn uıymdastyrǵan. Qazirgi ýaqytta tergeý amaldary júrgizilip jatyr. Zattaı dáldelder alyndy. Qylmysqa qatysy bar 30-dan astam adam anyqtaldy, olardyń kópshiligi qazir kinásin tolyq moıyndap, tergeý tobymen yntymaqtastyq ornatýda. Ózge aqparat tergeý múddesine baılanysty jarııa etilmeıdi», - degen edi QR Sybaılas jemqorlyqqa qarsy is-qımyl agenttigi tóraǵasynyń kómekshisi Shyńǵys Álekeshev.
