Agrosaqtandyrý syıaqylaryn sýbsıdııalaý 50% -dan 80%-ǵa deıin artady
Bul týraly QazAqparat QR aýyl sharýashylyǵy mınıstrliginiń resmı saıtyna silteme jasap habarlaıdy.
Bul aýyl sharýashylyǵy taýarlaryn óndirýshiler úshin saqtandyrý polısiniń qunyn tómendetýge múmkindik berip, sondaı-aq agrosaqtandyrýdy odan da qoljetimdi ete túsedi, dep habarlaıdy QazAqparat QR Aýyl sharýashylyǵy mınıstrliginiń baspaóz qyzmetine silteme jasap.
Eske sala keteıik, 2020 jyldan bastap Qazaqstanda AÓK saqtandyrýdyń jańa júıesi jumys isteıdi. Saqtandyrý syıaqylaryn sýbsıdııalaýdyń negizgi maqsaty agroónerkásiptik keshen sýbektileri úshin qaryz jáne saýdany qarjylandyrýdyń qoljetimdiligin arttyrý bolyp tabylady.
Qazirgi ýaqytta ósimdik jáne mal sharýashylyǵy salalarynda kelesideı saqtandyrý ónimderi bekitilgen:
Topyraqtyń ylǵaldylyǵynyń jetispeýshilik ındeksin saqtandyrý;
Topyraqtyń artyq ylǵaldylyq ındeksin saqtandyrý;
Kúzdik daqyldar úshin topyraq ylǵaldylyǵynyń jetispeýshilik ındeksin saqtandyrý;
ІQM, UMM, jylqy men qustardy saqtandyrý.
Ósimdik sharýashylyǵyndaǵy saqtandyrýǵa dándi daqyldar (bıdaı, suly, arpa, júgeri), kúzdik jáne maıly daqyldar jatady.
Sondaı-aq passıvti mıkrotolqyndy qashyqtyqtan zondtaý negizinde «ósimdikterdiń optıkalyq tereńdigi» ındeksiniń monıtorıngin kózdeıtin bıomassa ındeksin saqtandyrý boıynsha saqtandyrý ónimi jumys isteıdi.
Ósimdikterdiń optıkalyq tereńdigi ósimdikterdegi sýdyń salystyrmaly mólsherin anyqtap, ósimdikterdiń ósýi men bıomassasyn kórsetedi.
Saqtandyrýmen «JÝSAN Garant» SK» AQ, «VIKTORIıA» SK» AQ, «Nomad Insurance» SK» AQ, «Amanat» SK» AQ jáne «London-Almaty» SK» AQ-lary aınalysady.
Atalǵan saqtandyrý ónimderiniń sheńberindegi táýekelder álemdik saqtandyrý naryǵynda «A» reıtıngi bar SWISS Re (Shveıtsarııa), HANNOVER RE (Germanııa), MUNICH RE (Germanııa) halyqaralyq qaıta saqtandyrý kompanııalarynda qaıta saqtandyrylady. Olar saqtandyrý jaǵdaılary bastalǵan kezde kepildik berilgen tólemderdi qamtamasyz etedi.
Aýyl sharýashylyǵy salasyndaǵy saqtandyrýdyń operatory - «Agrarlyq nesıe korporatsııasy» AQ. Barlyq rásimder - shart jasasýdan bastap, tólemderge deıin, aqparattyq júıe arqyly onlaın júrgiziledi. Saqtandyrý jaǵdaıy jerdi qashyqtan zondtaý derekteri negizinde tirkeledi, bul júıe adamı faktordy tolyǵymen alyp tastaýǵa múmkindik beretinin atap ótken jón. Ylǵal deńgeıiniń monıtorıngi turaqty negizde júrgizilip otyrady jáne saqtandyrý jaǵdaıynyń bastalý faktisi avtomatty túrde tirkeledi.
Foto: assets.wam.ae
