Agroónerkásiptik keshendegi protsesterdi avtomattandyrý úshin jasandy ıntellekt agentteri engiziledi

ASTANA. KAZINFORM – Agroónerkásiptik keshendegi basym protsesterdi avtomattandyrý úshin jasandy ıntellekt agentteri engiziledi. Bul týraly Úkimet otyrysynda Tsıfrlyq damý, ınnovatsııalar jáne aeroǵarysh ónerkásibi mınıstrliginiń birinshi vıtse-mınıstri Qanysh Tóleýshın aıtty.

- Agroónerkásiptik keshendegi basym protsesterdi avtomattandyrý úshin jasandy ıntellekt agentterin engizýdi qarastyrýdamyz. Bul agent memlekettik qoldaý sharalary, sýbsıdııalar, ótinim berý merzimderi jáne qajetti qujattar týraly ózekti aqparatty beretin bolady. Chatbot Aýyl sharýashylyǵy mınıstrliginiń resmı derekterine negizdeledi jáne fermerlerge qajetti jaýaptardy tez alýǵa kómektesedi, - dedi Qanysh Tóleýshın.

Onyń atap ótýinshe, aýyl sharýashylyǵyn odan ári damytý úshin avtonomdy traktorlar men kombaındardy, IoT, jasandy ıntellekt jáne Big Data-ny keńinen qoldaný, sondaı-aq memleket, bıznes jáne ǵylym arasyndaǵy yntymaqtastyqty keńeıtý qajet.

- Jalpy, aýyl sharýashylyǵyn keshendi tsıfrlandyrý jáne zamanaýı tehnologııalardy qoldaný jerdi tıimdirek paıdalanýǵa jáne fermerlerdiń jumysyn jeńildetýge kómektesedi, - dedi birinshi vıtse-mınıstr.

Aıta keteıik, astyqty tokenızatsııalaý boıynsha pılottyq jobany Qostanaı oblysynda synaqtan ótkizý josparlanyp otyr.