Agroónerkásip salasyna jasandy ıntellekt engizýge grant bólinedi
ASTANA. KAZINFORM – Tsıfrlyq damý, ınnovatsııalar jáne aeroǵarysh ónerkásibi mınıstrligi ınnovatsııalyq granttar bólý týraly buıryqqa ózgerister engizip, tolyqtyrdy. Buıryq jobasy «Ashyq NQA» portalynda jarııalandy.
Atap aıtqanda, ınnovatsııalyq granttar tizimine argoónerkásiptik keshen jáne jasandy ıntellektti qoldanatyn tehnologııalar enip otyr.
Agroónerkásip salasyndaǵy ınnovatsııa men tehnologııalyq transformatsııa aýyl sharýashylyǵyna, áleýmettik-ekonomıkanyń damýyna ne ákeledi:
1. Agrotehnologııa aýylsharýashylyq kásiporyndarynyń álemdik naryqta básekege qabiletti bolýǵa múmkindik beredi;
2. Óndiris shyǵyndarynyń tómendeýi jáne ónimdiliktiń artýy sáıkesinshe fermerlerdiń tabysyn arttyrady;
3. Agrotehnologııalardy damytý aýyl sharýashylyǵynda jáne onymen baılanysty salalarda jańa jumys oryndaryn qurýdy yntalandyrady.
Sondaı-aq mınıstrlik jasandy ıntellekttiń damýy ártúrli salalarda kóptegen artyqshylyqtarǵa ıe ekenin aıtyp otyr, onyń ishinde eńbek ónimdiligin arttyrý, derekterdi taldaý, sonymen qatar boljaý men josparlaý jasandy ıntellekt taptyrmaıtyn qural.
Qujat jobasy bıyl 18 aqpanǵa deıin qoǵam talqysyna usynyldy.
Eske sala ketsek, byltyr Memleket basshysy agroónerkásip keshenin joǵary tehnologııalyq salaǵa aınaldyrý kerektigin aıtqan edi.
