Agroónerkásip kesheninde astyq ótkizý shyǵyndaryn óteý tártibi ózgermek
ASTANA. KAZINFORM — Aýyl sharýashylyǵy mınıstrligi azyq-túlik astyǵyn ishki naryqqa ótkizý kezinde ulttyq kompanııa shyǵyndaryn óteý tártibin reglamentteıtin sýbsıdııalaý qaǵıdalaryna ózgerister engizý jobasyn qoǵamdyq talqylaýǵa shyǵardy. Bul týraly AShM málim etti.
Túzetýler qoldanystaǵy № 199 buıryqqa qatysty bolyp, shyǵyndardy óteý mehanızmin naqtylaýǵa baǵyttalǵan.
Jobadaǵy ózgerister engizý áleýmettik mańyzy bar azyq-túlik taýarlaryna baǵany turaqtandyrý tetiginiń tıimdiligin arttyrýǵa baǵyttalǵan. Joba ishki saýdanyń damýyn qoldaıdy jáne azyq-túlik resýrstarynyń aımaqtar arasynda birkelki bólinýine yqpal etedi.
— Joba mamandandyrylǵan uıymdarǵa qaıta óńdeý kásiporyndarynyń óndiristik qýattaryn tolyq júkteýdi qamtamasyz etý úshin qajetti kólemdegi astyqty tikeleı satyp alýǵa jáne ony keıinnen basqa óńirlerdiń mamandandyrylǵan uıymdary arqyly naryqtyq baǵadan tómen baǵamen ótkizýge múmkindik berýdi kózdeıdi, — delingen qujatta.
Jobany talqylaý 30 maýsymǵa deıin jalǵasady.
