Agroónerkásiptik ónimderdiń tranzıti men tasymalyna shekteý qoıylmaıdy
«Mınıstrlik tarapynan áleýmettik azyq-túlikterdiń jetkilikti mólsherde bolýyna monıtorıng júrgizilýde. Jaǵdaı birqalypty. Elimizde búgingi kúni áleýmettik taýarlar kólemi jetkilikti. Onyń barlyǵy qazirgi kezde mınıstrlikpen, Saýda mınıstrligimen, ákimdiktermen qatań baqylaýǵa alyndy», - dedi ol.
Mınıstrdiń aıtýynsha, veterınarlyq jáne fıtosanıtarlyq qyzmetter barlyq saýda ornynda shtattyq rejimde jumys istep jatyr.
«Koronavırýsqa qarsy agroónerkásiptik ónimderdiń tranzıti men tasymalyna qosymsha shekteýler búgingi kúni qoıylmaıdy. Eýrazııalyq odaq jáne úshinshi elderdiń kólikteriniń barlyq túrine ónerkásip ónimderin tasymaldaýǵa ruqsat berilgen. Biraq, úshinshi elder men Eýrazııalyq odaq shekarasyndaǵy veterınarlyq jáne fıtosanıtarlyq beketterde baqylaý kúsheıtilgen. Búgingi kúni elimizdiń shekarasynda 119 beket bar. Onyń 64-i Reseımen, 55-i Qyrǵyzstanmen, 50-i Túrikmenstanmen jáne Ózbekstanmen shekarada», - dedi Saparhan Omarov.