Agroónerkásiptik keshendi sýbsıdııalaýǵa pragmatıkalyq tásildemeler qoldanylýy kerek - A.Myrzahmetov
«EAEO men DSU-ǵa kirýge baılanysty básekeniń kúsheıýi agroónerkásiptik keshendi sýbsıdııalaýǵa pragmatıkalyq tásildemelerdi qoldanýdy talap etedi. Onyń tıimdiligin arttyrý úshin AÓK-de sýbsıdııalaý júıesin reformalaý josparlanýda», - dedi mınıstr.
Vedomstvo basshysynyń habarlaýynsha, mysaly, kóktemgi - dala jáne jınaý jumystaryna jáne ósimdik sharýashylyǵy óniminiń sapasyn arttyrýǵa janar-jaǵar maı jáne basqa da taýarly materıaldy qundylyqtardyń baǵasyn arzandatý boıynsha, jemis daqyldary men júzimniń kópjyldyq ekpelerin otyrǵyzý men ósirýge, maqta talshyǵynyń sapasyn saraptaýǵa arnalǵan sýbsıdııalardy ońtaılandyrý kózdelip otyr.
Sondaı-aq, mınıstr osy qatarda 2017 jyldan bastap, mal sharýashylyǵy óniminiń ónimdiligi men sapasyn arttyrýǵa arnalǵan sýbsıdııalardy qysqartý kózdelip jatqanyn jetkizdi.
«Bosatylǵan qarajat ınvestıtsııalyq sýbsıdııalar, bıznes qaýymdastyqtardyń ǵylymı uıymdar qyzmetine arnalǵan shyǵyndaryn sýbsıdııalaý, aýyl sharýashylyǵyn qoldaýǵa arnalǵan kredıtter (lızıng) boıynsha syıaqy mólsherlemesin óteý sııaqty neǵurlym tıimdi sýbsıdııa túrlerine, sondaı-aq, fıtosanıtarııalyq jáne veterınarııalyq qyzmetterdi kúsheıtýge baǵyttalatyn bolady», - dep túıindedi sózin A.Myrzahmetov.