Agroónerkásiptik keshendi sýbsıdııalaý tıimdiligi artady- AShM

NUR-SULTAN. QazAqparat – Agroónerkásiptik keshendi sýbsıdııalaý tıimdiligi ádistemesi qabyldanatyn bolady. Bul týraly Úkimet otyrysynda Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat tilshisi.

Onyń aıtýynsha, Memleket basshysynyń tapsyrmasy boıynsha salany memlekettik qoldaý júıesine de eleýli túzetýler engizý josparlanýda,

Osy oraıda:

- birinshiden, memlekettik qoldaý baǵyttaryn ońtaılandyrýǵa;

- ekinshiden, óndiris kólemderine qaramastan, barlyq sýbektilerge memlekettik qoldaý baǵyttaryn qoljetimdi etýge baǵyttalady;

- úshinshiden, memlekettik qoldaý túpkilikti nátıjege qol jetkizýge, salany tehnıkalyq jáne tehnologııalyq qaıta jaraqtandyrýǵa arnalatyn bolady. Bul jumys mal sharýashylyǵyn sýbsıdııalaýdan bastap, kezeń-kezeńimen júrgiziledi.

«Budan basqa, bıznes úshin egis alqaptaryn ártaraptandyrý, aýyl sharýashylyǵynyń jalpy ónimin ulǵaıtý, eńbek ónimdiligin arttyrý, sondaı-aq jerdi utymdy paıdalaný talaptaryn oryndaý sııaqty qarsy mindettemelerdi kezeń-kezeńimen engizý josparlanyp otyr.

Sýbsıdııanyń tıimdiligin júıeli túrde monıtorıngteý maqsatynda Agroónerkásiptik keshendi sýbsıdııalaý tıimdiligi ádistemesi qabyldanatyn bolady», - dedi mınıstr.

Eske salsaq, 1 qyrkúıek kúni QR Prezıdenti Qasym-Jomart Toqaev «Halyq birligi jáne júıeli reformalar – el órkendeýiniń berik negizi» atty halyqqa Joldaýyn jarııalady. Joldaýdyń tolyq mátini myna jerde.