Agroónerkásiptik keshendi qoldaý - damý kózi - Q.Dosqalıev
ALMATY. 7 aqpan. QazAqparat /Ádilet Musahaev/ - Bıylǵy jylǵy Elbasymyzdyń Qazaqstan halqyna dástúrli Joldaýynda elimizdegi áleýmettik mańyzy bar ózekti máselelerge baılanysty negizgi baǵyttar belgilengen.
Bul jaıynda «Nur Otan» HDP « Oıtoǵan» bastaýysh partııa uıymynyń múshesi, «Mataı» sharýa qojalyǵynyń tóraǵasy Qanat Dosqalıev QazAqparat tilshisimen suhbattasý kezinde aıtty.
Q.Dosqalıev qazirgi dúnıejúzilik qarjylyq daǵdarys kezinde ishki turaqtylyqqa, damýdyń áleýmettik irgetasyn beriktendirýge barlyq kúsh-jigerimizdi biriktirýimiz qajet dep sanaıdy. «Jumysshylardyń áleýmettik jaǵynan qorǵalýyna, olardyń otbasylyq qamsyzdandyrylýyna barlyq qajetti jaǵdaılar týǵyzylýda. Eń aldymen balalar, kópbalaly analarǵa, ardagerlerge, múgedekterge jaǵdaı jasaý alǵy maqsat bolyp belgilengen», -deıdi ol.
Sonymen qatar ol jastardy jumyspen qamtý, jańa jumys oryndaryn ashý qolǵa alynyp jatqandyǵyn aıtady. «Ózimizdiń uıymdastyrǵan sharýashylyqta da jastardy jumysqa tartý, jańa jumys oryndaryn qarastyrý máselesin alǵy shartty mindetimiz dep bilemiz»,-deıdi «Mataı» sharýa qojalyǵynyń tóraǵasy.
Onyń aıtýynsha, Joldaýda agroónerkásiptik keshendi damytý joldary da naqty aıtylǵan. «Elimiz úshin asa mańyzdy mindet - ata-babamyz aınalysyp kele jatqan kásip - mal sharýashylyǵyn órkendetý, oǵan qomaqty qarajat bólý. Sondyqtan da biz taýarly-sút fermalaryn, qus fabrıkalaryn, mal bordaqylaý alańdaryn uıymdastyrý men damytý, et óńdeý óndirisin damytý kerek dep oılaımyz, bul aýyldyq jerlerge kóp kómegin tıgizetini sózsiz», - deıdi Q.Dosqalıev.
Sondaı-aq ol bul baǵyttaǵy sharalardyń iske asýyna bir kisideı atsalysyp, Elbasynyń júrgizip otyrǵan saıasatyn tolyq qoldaıtyndyǵyn jetkizdi.
