Agroónerkásiptik keshendi damytýdyń ulttyq jobasy ázirlenýde
«Memleket basshysynyń tapsyrmasy boıynsha mınıstrlik agroónerkásiptik keshendi damytýdyń kelesi 5 jylǵa arnalǵan ulttyq jobasy tujyrymdamasyn ázirleýde. Ulttyq jobanyń negizgi qaǵıdattary - bıznes úshin qarsy mindettemelerdi engize otyryp, memlekettik qoldaý sharalaryn birizdi jáne turaqty etý. Búgingi tańda agrobıznestiń, ǵylymnyń basqa da múddeli taraptary ókilderimen ulttyq jobanyń tujyrymdamasy belsendi talqylanyp jatyr. Aqpannyń birinshi onkúndiginde tujyrymdama jobasyn «Atameken» alańynda bızneske tanystyrýdy, odan keıin barlyq múddeli taraptar maquldaǵannan keıin Memlekettik josparlaý júıesiniń talaptaryna sáıkes Parlament depýtattarynyń, memlekettik organdar, oblys ákimdikteri men agrobıznes ókilderiniń qatysýymen Úkimette qaraýdy josparlap otyr», - dedi ol.
Mınıstrdiń aıtýynsha, ulttyq jobany iske asyrýdaǵy negizgi úles óńirlerge tıesili ekenin eskere otyryp, oblys ákimderi osy qujatty daıyndaýǵa, onyń ishinde sharalardy ázirleýge jáne ındıkatıvter qoıýǵa belsendi qatysýy qajet.
«Tujyrymdamany talqylaý qorytyndylary boıynsha ulttyq joba ázirlenetin bolady. Ony qabyldaý merzimi Memleket basshysynyń tapsyrmasyna sáıkes 2021 jylǵy shildege belgilengen. Bul rette maýsym aıynan keshiktirmeı Qazaqstan Respýblıkasy Prezıdentiniń janyndaǵy reformalar jónindegi Joǵary keńeste qaraý kózdelip otyr», - dedi Saparhan Omarov.