Agroónerkásiptik keshendegi qyzmetterdiń 90 paıyzy avtomattandyryldy - mınıstr
«Agroónerkásiptik keshendi tsıfrlandyrý táýekelderdi tómendetýge, klımattyń ózgerýine beıimdelýge, aýyl sharýashylyǵy daqyldarynyń túsimdiligin, janýarlardyń ónimdiligin arttyrýǵa, agrotehnologııalardy ýaqytyly josparaýǵa múmkindik beredi. Aýyl sharýashylyǵyn tsıflandyrýdyń negizgi mindeti - ónim óndirýge jumsalatyn shyǵyndardy azaıtý, onyń sapasy men básekege qabilettiligin arttyrý. Memleket basshysy Qazaqstan halqyna Joldaýynda túrli qyzmet kórsetý kezinde elektrondyq formatqa kóshý qajettigin atap ótti. Atalǵan tapsyrmany iske asyrý úshin mınıstrlik halyqqa kórsetiletin memlekettik qyzmetterdi, salalyq bıznes protsesterdi avtomattandyrýda jáne ońtaılandyrýda» dedi mınıstr.
Máselen, onyń aıtýynsha, búginde kórsetiletin qyzmetterdiń 90 paıyzy avtomattandyryldy. Ótken jylmen salystyrǵanda halyqqa elektrondy formatta kórsetilgen qyzmetterdiń úlesi 34 paıyzǵa ósti. Mundaı nátıjelerge salalyq aqparattyq júıelelerdi jańǵyrtý arqyly qol jetkizildi.
«Olardy damytý jumysyn únemi jańǵyrtyp otyrý qajet. Qazaqstan aýyl sharýashylyǵy janýarlaryn sáıkestendirý aqparattyq júıesine derekter engize otyryp, aýyl sharýashylyǵy janýarlaryn esepke alýdyń biryńǵaı júıesin paıdalanatyn Eýrazııalyq ekonomıkalyq odaqtaǵy alǵashqy el. Júıede 35 mln-nan astam aýyl sharýashylyǵy janýarlary tirkelgen. Onda 4,5 myńǵa jýyq veterınarııa mamany jumys isteıdi. Aldyn alý veterınarlyq is-sharalaryn qosa alǵanda janýarlardyń tolyq tirshilik tsıklin baqylaý arnalǵan júıeni túrlendirý jumysy únemi júrgiziledi. Júıeniń damýyn eskere otyryp, qoldanystaǵy normatıvtik-quqyqtyq aktilerge ózgerister engiziledi. Máselen, veterınarııalyq pasporttardy elektrondy túrde berý týraly erejeni zańnamalyq túrde bekitip berý Parlamentte qaralýynda. Bul norma veterınarııalyq pasporttar berýdi jeńildetip, alýdy tezdetedi. Memlekettik shyǵysty aıtarlyqtaı únemdeıdi», - dedi Saparhan Omarov.