Agroónerkásiptik keshen sýbektilerine nesıe berýdiń jańa tásilderi engiziledi
«Agroónerkásiptik keshendi (budan ári – AÓK) damytý jáne aýyl sharýashylyǵy taýaryn óndirýshilerdi qoldaý maqsatynda Aýyl sharýashylyǵy mınıstrligi 2018-2022 jyldar aralyǵynda AÓK sýbektilerin sýbsıdııalaýǵa shamamen 1,7 trln teńge (2018 jyly – 226 mlrd teńge; 2019 jyly – 323,2 mlrd teńge; 2020 jyly – 362,6 mlrd teńge; 2021 jyly – 371,5 mlrd teńge; 2022 jyly – 450 mlrd teńge) bóldi. Sonymen qatar, AÓK sýbektilerine nesıe berýde jańa tásilderdi engizý boıynsha is-sharalar qabyldanýda», - dep atap ótedi Úkimet basshysy jaýabynda.
Máselen, onyń dereginshe, «Aýyl amanaty» aýyl halqynyń tabysyn arttyrý jónindegi jobany keńinen taratý boıynsha jumys bastaldy. Oǵan senim bildirilgen ókil (agent) arqyly syıaqy mólsherlemesi 2,5 paıyzdan aspaıtyn, eń joǵary merzimi 7 jylǵa deıingi shaǵyn nesıe berý kózdeledi. Pılottyq jobany keńinen taratý úshin osy jylǵa 17 myńnan astam shaǵyn nesıe berý josparymen 100 mlrd teńge bólindi.
«Áleýmettik-kásipkerlik korporatsııalar arqyly AÓK salasyndaǵy iri ónerkásiptik ınvestıtsııalyq jobalardy iske asyrý boıynsha Soltústik Qazaqstan oblysynyń tabysty tájirıbesin tırajdaý boıynsha jumys júrgizilýde. Qaryz berý sharttary barynsha jeńildetilgen. bıyldyń ózinde bul maqsattarǵa 100 mlrd teńge bólindi. Sonyń esebinen 65-ke jýyq sút-taýar fermalarynyń qurylysy qarjylandyrylatyn bolady. Bul rette, Dúnıejúzilik saýda uıymyna kirý kezinde elder qabyldaǵan qoldanystaǵy mindettemeler aıasynda 2022 jyldyń qorytyndysy boıynsha óndirilgen aýyl sharýashylyǵy óniminiń jalpy qunynan ishki qoldaý deńgeıi Belarýs Respýblıkasynda 10% mindetteme kezinde 2,5%, Qazaqstan Respýblıkasynda 8,5% mindetteme kezinde 4,8%, Qyrǵyz Respýblıkasynda 5% mindetteme kezinde 0,13% jáne Reseı Federatsııasynda 5% mindetteme kezinde 2,88% quraıtynyn atap ótý qajet. Osylaısha, AÓK sýbektilerine memleket kórsetetin qoldaý deńgeıi basqa elder kórsetetin qoldaýdyń uqsas deńgeıimen baılanysty ekenin atap ótemiz», - dedi Álıhan Smaıylov.