Agroónerkásiptik forým barysynda qol qoıylǵan kelisimder men memorandýmdar
ASTANA. QazAqparat - Búgin Astanada «AgroInvest Forum 2017» agroónerkásiptik ınvestıtsııalyq forýmy jumysyn bastady, dep habarlaıdy QazAqparat.
Osy forým aıasynda AÓK salasynda birqatar halyqaralyq kelisimderge qoljetkizildi.
Atap aıtqanda:
- Qazaqstannyń agroónerkásiptik keshen shaǵyn jáne orta kásiporyndaryn 100 mln eýro somasyna nesıeleý úshin Agrarlyq kredıttik korporatsııa men Eýropalyq ınvestıtsııalyq ban arasyndaǵy qarjy sharty;
- Aqtóbe oblysynda alańy 20 ga qazirgi zamanǵy jylyjaı kesheniniń qurylysy boıynsha jobany iske asyrý týraly FoodVentures (Gollandııa), «ADM Capital» (Vengrııa) jáne "Green Capital Kazakhstan" JShS (Qazaqstan) kompanııalary arasyndaǵy kelisim. Bul Qazaqstan-Vengrııa tikeleı ınvestıtsııalar qorynyń qarajatynan qarjylandyrylatyn jobalardyń biri.
- «QazAgro» holdıngi» AQ jáne « Da Vinci Capital» kompanııasy arasyndaǵy tikeleı ınvestıtsııalardyń agrarlyq qoryn qurý jónindegi kelisim.
- Azııa Damý Banki jáne «QazAgro» holdıngi» AQ arasyndaǵy Qazaqstannyń aýylsharýashylyq sektoryna onyń ekonomıkalyq ártaraptanýyn qoldaýǵa ınvestıtsııalar tartý jónindegi ózara túsinistik týraly memorandým.
- «Azyq-túlik kelisim shart korporatsııasy» UK» aktsıonerlik qoǵamy jáne «RACS Quality Certificates Issuing Services LLC» kompanııasy arasyndaǵy ózara túsinistik týraly memorandým. Qujat qazaqstannyń aýylsharýashylyq taýar óndirýshilerine Parsy shyǵanaǵyndaǵy Arab Memleketteriniń Yntymaqtastyq Keńesine (PShAMYK) kiretin elderde moıyndaý maqsatynda Halal ónimderin sertıfıkattaýǵa kómek kórsetý bóligindegi yntymaqtastyqty boljaıdy;
- «QazAgro» holdıngi» AQ jáne «Ýzagrotehmash» AQ (Ózbekstan Respýblıkasy) arasyndaǵy aýylsharýashylyq mashına jasaý salasyndaǵy jobalardy iske asyrý boıynsha ózara túsinistik týraly memorandým;
- «Agrotehnologııalardy kommertsııalaý jáne transfert ortalyǵy» JShS jáne «PHOENIX FEED MILLS» LLP kompanııasy jáne «SAB Agrobusiness» LLP kompanııasy arasyndaǵy ózara túsinistik týraly memorandýmdar. Qujattar Qazaqstannyń aýyl sharýashylyǵy ónimderiniń eksportyn ártaraptandyrý jónindegi artyqshylyqtaryn eskere otyryp ınvestıtsııalyq belsendilikti keńeıtý múmkindikterin qarastyrý bóligindegi yntymaqtastyqty boljaıdy.
