Agroónerkásipti tsıfrlandyrý - dálde-dál eginshilikte nátıje berýde
Agroónerkásiptik keshendi tsıfrlandyrý, ol Memleket basshysynyń jyl saıynǵy Joldaýynda agroónerkásiptik keshendegi eńbek ónimdiligin jáne óńdelgen aýyl sharýashylyǵy ónimderiniń eksportyn 2,5 esege arttyrý jónindegi maqsattaryna jetýge múmkindik beredi.
AÓK-ti tsıfrlandyrý aıasynda A.I.Baraev atyndaǵy astyq sharýashylyǵy ǵylymı-óndiristik ortalyǵy tájirıbeli egistikterde naqty eginshiliktiń ozyq ınnovatsııalyq tehnologııalaryn engizýde.
«Dálme dál eginshilik elementterin engizý fermerlerge óndiristiń tıimdiligin aıtarlyqtaı jaqsartýǵa múmkindik beredi. ıAǵnı egistiktiń elektrondyq kartalary, aýa raıy týraly naqty derekter, datchıkter jáne sensorlar, kosmonıtorıng jáne basqa sheshimder. Osyndaı tehnologııalardy engizý, daqyldardyń ónimdiligin ortasha eseppen 15% -ǵa arttyrady. Biz bıyl Shortandy aýdanyndaǵy A.I.Baraev atyndaǵy astyq sharýashylyǵy ǵylymı-óndiristik ortalyǵynyń terrıtorııasynan 3 myń ga jerdi bólip, tsıfrlyq júıemen dálde-dál eginshilikti júzege asyrýdamyz. Búgingi sharada fermer, agronom, aýyl sharýashylyǵy mınıstrliginiń ókilderiniń basyn qosyp dálde-dál eginshiliktiń jumys protsesin kórsetýdemiz. Jáne salystyrmaly túrde bolýy úshin, biz dástúrli eginshilikti qatar kórsettik, nátıje aıtarlyqtaı», - dedi QR Aýyl sharýashylyǵy mınıstriniń orynbasary Arman Evnıev.
Sonymen qatar, A.I.Baraev atyndaǵy astyq sharýashylyǵy ǵylymı-óndiristik ortalyǵyndaǵy tájirıbelik sharýashylyqtar negizinde aýyl sharýashylyǵy taýar óndirýshilerine arnalǵan kezekti «Neo Nomad» iskerlik oıyny ótti. Oıynǵa fermerlik sharýashylyqtardyń 50-den astam ókilderi, ǵalymdar qatysty.
«Aýyl sharýashylyǵy mamandarynyń basyn qosqan «Neo Nomad» iskerlik oıynyn buǵan deıin 8 oblysta ótkizdik. Bul jerde mamandar bir-birlerimen aqyl-keńes alyp qana qoımaı, óz ónimderin arttyrý, ony tsıfrlyq júıege kóshirýdiń tıimdiligi týraly biledi. Jáne oıynda ár kásipker óz ónimin jarnamalap tanystyrady, oıyn sońynda jeńimpazdarǵa sertıafıkat pen aýyl sharýshylyǵy tehnıkasyn alýǵa jeńildik beriledi», -dep atap ótti A.Evnıev.
Agroónerkásiptik keshendi tsıfrlandyrý básekege qabilettilikti jáne eńbek ónimdiligin arttyrýǵa, azyq-túlik qaýipsizdigin qamtamasyz etýge jáne salaǵa ınvestıtsııa tartýǵa múmkindik beredi. Jalpy alǵanda, 2025 jylǵa deıin ekonomıkalyq tıimdilik shamamen 40 mlrd teńgeni quraıdy dep kútilýde.
Foto: crimeangazette.ru