Agroónerkásip salasyna berilip jatqan memlekettik qoldaý qarajattarynyń tıimdiligin arttyrý qajet

Bul týraly búgin QR Parlamenti Senaty depýtattarymen kezdesýi barysynda Aýyl sharýashylyǵy mınıstri Asyljan Mamytbekov aıtty.

Buǵan sáıkes tapsyrmalar Memleket basshysynyń tarapynan júktelgen.

«Qazir tek Qazaqstannyń ǵana emes álemdik qaýymdastyqtyń aldynda úlken qaýipter barshylyq. Bul óz eliniń azyq-túliktik qaýipsizdigin qamtamasyz etý máselesi. Bundaı jaǵdaıda elimizde agrarlyq bıznesti damytý, onyń ishinde elimizdiń aýqymdy áleýetin eseptesek, aldymyzda ózekti máseleler aıqyn. Sondyqtan da, ótken 20 jylda atqarylǵandarǵa toqmeıilsip, toqtap qalmaı, alǵa júktelgen mindetterdi tolyq oryndaýǵa kúsh salatyn bolamyz. Bul eń aldymen - óndiristiń tıimdiligin arttyrý, egis alqaptaryn ártaraptandyrý. Budan bólek, mal sharýashylyǵy men taýar óndirýshiler arasyndaǵy irilendirý sharalarynyń da mańyzy zor. Bundaı mindetterdiń barlyǵyn biz tek zańnamalyq aktilerdi jetildirý arqyly ǵana qol jetkizetin bolamyz», - dedi A. Mamytbekov.