Agroónerkásip salasy boıynsha eksportqa baǵdarlanǵan segiz baǵyt aıqyndaldy
p; Qarashanyń 11-i. QazAqparat /Qanat Mámetqazyuly/ - Agroónerkásip salasy boıynsha eksportqa baǵdarlanǵan segiz baǵyt aıqyndaldy. Búgin Parlament Senatynda «Agroónerkásip keshenin ındýstrııalandyrý mindetteri jáne bıýdjet qarajattaryn tıimdi paıdalanýdy arttyrý» taqyrybyndaǵy parlamenttik tyńdaý barysynda
QR Premer-Mınıstriniń birinshi orynbasary Ómirzaq Shókeev osylaı málim etti, dep habarlaıdy QazAqparat.
«Búgingi kúni Úkimet tarapynan Agroónerkásip kesheniniń barlyq 65 sektoryna taldaý jasalyp, belgilendi. Osynyń nátıjesinde aldaǵy besjyldyq boıynsha negizgi 8 baǵyt tańdalyp alyndy. Bul baǵyttar tek memlekettik aýmaqta ǵana emes, eksporttyq baǵdarlanýy boıynsha da damýdyń basym perspektıvasyna ıe. Atap aıtqanda bular, birinshiden - astyq jáne onyń tereń óńdelgen ónimderin eksportqa baǵyttaý, ekinshiden - et jáne onyń ónimderin óndirip eksporttaý, úshinshiden - sút jáne sút ónimderin, tórtinshiden - maı ónimderin shyǵarý, besinshiden - qus sharýashylyǵyn arttyrý, altynshydan - kókónis jáne jemis-jıdek salasyn damytý, jetinshiden - aq qant jáne qant qyzylshasyn óndirý, segizinshiden juqa teri óńdeýdi arttyrý bolyp tabylady», dedi Ó. Shókeev.
Vıtse-premerdiń aıtýynsha, Úkimet aldaǵy besjyldyqta Agroónerkásip keshenin damytý sheńberinde osy 8 baǵytqa basymdyqpen qaraıtyn bolady.
