Agroónerkásip ónimderiniń eksporty 3 mlrd dollardan asty- AShM

NUR-SULTAN. QazAqparat - 2018 jyly agroónerkásip kesheni ónimderiniń eksporty 3 mlrd dollardan asty. Bul jaıynda búgin Úkimet úıindegi baspasóz máslıhatynda QR Aýyl sharýashylyǵy vıtse-mınıstri Gúlmıra Isaeva málim etti, dep habarlaıdy QazAqparat tilshisi.

«Tolyqtaı alǵanda, agroónerkásip ónimderiniń eksporty 3,023 mlrd AQSh dollaryn qurady. Bul Agroónerkásip keshenin damytý memlekettik baǵdarlamasynda 2018 jyly alǵa qoıylǵan maqsatty ındıkatordan 23 paıyzǵa joǵary. 2017 jylmen salystyrǵanda eksport 26 paıyzǵa artty. Memlekettik baǵdarlamanyń AÓK ónimderin eksporttaý boıynsha josparly kórsetkishi Atyraý, ShQO, BQO, Aqtóbe oblystarynyń jáne Nur-Sultan qalasynyń eksporttyq josparlaryn artyq oryndaýy esebinen júzege asyryldy. Qaıta óńdelgen ónim eksportynyń úlesi 37 paıyzdy qurady. Bul rette qaıta óńdelgen ónim eksportynyń ósim qarqyny 1,04 paıyz boldy», - dedi ol.

Vıtse-mınıstr dereginshe, óńirler sheginde Almaty oblysy 532 mln, Qostanaı oblysy 499 mln, Nur-Sultan qalasy 438 mln, Túrkistan oblysy men shymkent qalasy 373 mln dollardyń agroónerkásip ónimderin eksportqa shyǵarǵan.

«Ótken jyldyń qorytyndysynda ónim eksportynyń barynsha joǵary ósimi myna óńirlerde tirkeldi: Shyǵys Qazaqstan oblysy 110 mln, Qostanı oblysy 47 mln, Soltútsik Qazaqstan oblysy 39 mln, Nur-Sultan qalasy 139 mln dollar», - dedi G.Isaeva.