Agroónerkásip keshenine jyl sońyna deıin 50 mlrd. teńge ınvestıtsııa tartý josparlanady - Úkimet
ASTANA. QazAqparat - Agroónerkásip keshenine jyl sońyna deıin 50 mlrd. teńge ınvestıtsııa tartý josparlanady.
Bul týraly búgin Úkimet otyrysynyń qorytyndylaryna arnalǵan brıfıngte Ekonomıka jáne bıýdjettik josparlaý mınıstri Erbolat Dosaev málim etti.
Ekonomıka mınıstriniń málimetine qaraǵanda, agroónerkásiptik keshendi qarjylyq saýyqtyrý baǵytynda sońǵy úsh aıda 170 mlrd. teńgeden astam somaǵa 172 qaryz alýshynyń ótinimderi maquldanǵan.
«Budan bólek, «Agrobıznes-2020» baǵdarlamasy sheńberinde ınvestıtsııalardyń aǵynyn agroónerkásip kesheniniń basym salalarynda ulǵaıtý jumystary atqarylýda. Bul rette ınvestıtsııalyq jobalardy iske asyrý boıynsha kásipkerlerdiń shyǵystaryn 20-dan 80 paıyzǵa deıin óteýdi kózdeıtin ınvestıtsııalyq salymdardy sýbsıdııalaýdyń jańa tetigi ázirlengeni belgili. Osyǵan oraı, jyldyń sońyna deıin ınvestıtsııalyq sýbsıdııalar esebinen qosymsha shamamen 50 mlrd. teńge tartý josparlanady», - dedi Erbolat Dosaev.
Onyń sózine qaraǵanda, búgingi tańda 13 mlrd. teńgeni quraıtyn agrohnerkásip kesheniniń 20 ınvestıtsııalyq jobasy paıdalanýǵa berilgen.
