Agroónerkásip keshenindegi problemalardy sheshýdiń bir joly - agrarlyq ǵylymdy damytý - A. Kúrishbaev
ASTANA. Jeltoqsannyń 14-i. QazAqparat /Ernur Aqanbaı/ - Elimizdiń aýyl sharýashylyǵy salasyndaǵy qordalanyp qalǵan problemalardy sheshýdiń bir joly - agrarlyq ǵylymdy damytý. Bul týraly búgin Astanada ótken agroónerkásip keshenin damytý máselelerine arnalǵan keńeste Aýyl sharýashylyǵy mınıstri Aqylbek Kúrishbaev aıtty,
dep habarlaıdy QazAqparat.
Onyń sózine qaraǵanda, agrarlyq ǵylym bastalǵan jumysty jalǵastyra otyryp, sheteldik tehnologııalardy transfertteý, óndiriske ǵylymı ázirlenimderdi engizý jáne agrarlyq kadrlardy oqytý úderisiniń belsendi qatysýshysy bolýy tıis. Bul úshin kelesi jyldan bastap ǵalymdarǵa aqy tóleý júıesi ózgeretin bolady. Óndiriske ósimdiktiń sortyn jáne maldyń tuqymdaryn engizgeni úshin syıaqy tóleý jolymen aýyl sharýashylyq taýaryn óndirýshiler ǵylymdyq qarjylandyrýǵa tikeleı qatysatyn bolady.
Sonymen qatar mınıstr salada qordalanyp qalǵan ózekti problemalardyń biri retinde agrarlyq sektorǵa arnalǵan kadrlar men mamandardyń jetispeýshiligin aıtty. Onyń sózine qaraǵanda, qazirgi tańda elimizde joǵarǵy jáne orta arnaıy bilimdi 10 myńǵa jýyq jáne 30 myńdaı buqaralyq kadrlar jetispeıdi. Mundaǵy basty másele kadrlardy daıyndaýdaǵy memleket pen jeke menshik áriptestigin damytý qajettiligine mamandardy jáne aýyldy jerlerge mamandardy tartýdaǵy yntalandyrýdyń naqty tetikteriniń joqtyǵyna kelip tireledi.
«Atalmysh problemany sheshý úshin aýyl sharýashylyǵy mamandaryn daıyndaýǵa arnalǵan memlekettik tapsyrysty ulǵaıtýǵa baǵyttalǵan arnaıy sharalar keshenin ázirlep, júzege asyrý qajet», dedi mınıstr.
