Agroónerkásip keshenindegi bızneske birtindep mindettemeler júkteledi
«Agroónerkásip kesheniniń basty maqsaty - eldiń azyq-túlik qaýipsizdigin qamtamasyz etý, aýa raıy faktorlarynyń aýyl sharýashylyǵy óndirisine teris áserin azaıtý. Sondaı-aq mal sharýashylyǵynyń jem-shóp bazasyn damytý maqsatynda jer paıdalanýda ártaraptandyrý jumystary júrgizilýde. Bul úshin jer paıdalanýshylardyń jalǵa berý sharty jáne óz mindettemelerin oryndaýy boıynsha baqylaý tetikteri ázirlendi», - dedi ol Úkimet úıinde ótken baspasóz máslıhatynda.
Onyń atap ótýinshe, memlekettik retteý is-sharalary tsıfrlyq tehnologııalardy qoldanýǵa jáne ǵaryshtyq baqylaýǵa negizdeledi.
«Budan basqa, bızneske birtindep mindettemeler júkteý josparlanýda. Mysaly egistik alqaptaryn ártaraptandyrý, aýyl sharýashylyǵynyń jalpy ónimi men eńbek ónimdiligin arttyrý, sondaı-aq jerdi utymdy paıdalaný talaptaryn oryndaý sııaqty is-sharalar kózdelgen. Jemdik daqyldar alqabyn ǵylymı negizdelgen normaǵa jetkizip, egistik kólemin keminde 2 esege ulǵaıtý josparlanýda. Jaıylymdardyń ónimdiligin jaqsartý úshin jańa tásilder de engiziledi», - dedi vıtse-premer.
Úkimet basshysynyń orynbasary osyǵan baılanysty sýmen qamtamasyz etý jáne sýdy únemdeý maqsatynda sý arnalaryn qalpyna keltirý jumystary turaqty túrde júrgiziletindigin aıtady.
«2025 jylǵa deıin jalpy uzyndyǵy shamamen 2,3 myń shaqyrym bolatyn 120 magıstraldy kanaldy qaıta qurý josparlanýda. Sondaı-aq, jaqyn arada respýblıkanyń 6 aımaǵynda 9 jańa sý qoımasy salynady. Olardyń jınaqtaý kólemi 1,7 mlrd tekshe metrge teń», - dedi Roman Sklıar.
