Agroónerkásip kesheninde «aqyldy tehnologııalar» engizilýde - Qyzylorda oblysy

ASTANA. QazAqparat - Qyzylorda oblysynyń ákimi Qyrymbek Kósherbaev aımaqtyń ústimizdegi jyldyń 9 aıyndaǵy áleýmettik-ekonomıkalyq damýyna toqtala kele, agroónerkásip kesheninde «aqyldy tehnologııalar» engizilip, óńirde alǵashqy  «elektrondy veterınarııa» jobasy iske qosylǵanyn málim etti, dep habarlaıdy QazAqparat tilshisi.

«Agroónerkásip kesheninde «aqyldy tehnologııalardy» engizý maqsatynda avtomattandyrylǵan jylyjaı salynyp, «elektrondy veterınarııa» jobasy iske qosyldy. Atalǵan joba aıasynda «Mobi-VET» mobıldi qosymshasy ázirlendi. Ol arqyly kez kelgen adam fermerlik sharýashylyqtar jáne josparly veterınarııalyq is-sharalardy oryndaý boıynsha tolyq aqparat ala alady», - dedi Qyzylorda oblysynyń ákimi.

Sonymen qatar, onyń aıtýynsha óńirde elektrondy saýda alańy - agrobırja jobasy júzege asyrylýda. Ol óz kezeginde ónimdi tıimdi ótkizý jáne jalpy satý týraly málimet alýǵa kómektesedi.

«Aldymyzǵa shıkizatty qaıta óńdeýdi qamtamasyz etý men syrtqy naryqqa sapasy jaǵynan ǵana emes, baǵasy jaǵynan da básekege qabiletti sapaly daıyn ónimmen shyǵý mindetin qoıyp otyrmyz. Memleket basshysy atap ótkendeı, bul tusta "aqyldy tehnologııalardy" engizý arqyly jaqsy nátıjege qol jetkize alamyz. «Elektrondy veterınarııa» jobasy aıasynda birinshi kezekte maldardy baqylaýǵa arnalǵan navıgatorlardy iske qostyq, odan bólek jýyrda avtomattandyrylǵan jylyjaı qurylysy paıdalanýǵa beriledi», - dedi ol.

Sonymen qatar, Q.Kósherbaev óńirde barlyq salalardy onlaın-qyzmettermen qamtamasyz etýdiń alǵa qoıylǵanyn aıtyp ótti.

«Búginde salalardy tsıfrlandyrý maqsatynda 37 jobanyń tizbesi quryldy ol - qaýipsizdik, bıznes, AÓK, densaýlyq saqtaý, kólik jáne qurylys, qalalyq TKSh men bilim berý, mádenıet jáne taǵy basqa. Tsıfrlandyrý protsesin qarqyndy damytý úshin oblysta tsıfrlyq tehnologııalar basqarmasy quryldy», - dedi óńir basshysy.